Mateo 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ỹaatqajam chalego la'maxa ma'le quecá'maq i'xoren ca liỹa, ma' ñi qota'olec i'xoren ma'le ca'maxare.

Mateo 5:7 Iomraidhean Croise

2 Samuel 17:28

Ca' qaỹodo'oga so lacanqaipi so David, chaqai so nquiỹoxoquiripi, chaqai so 'ueenallipi 'laua, chaqai na trigo, cebada, 'aríña, chaqai nasoolec ala nelooteguese, chaqai na poroto leenaxat habas, lentejas,

Oseas 1:6

Ca' aso Gomer lotqai liỹa 'man, ca 'ue aso llaale. Ca ñi qara'gaxala' 'naac queso Oseas: Ñitegue leenaxat se qanqouaguegue ayi nocto'lli', ma' tot yqouaguegue ma'le yi Israel. Tot sapalaxat na lasauaxaset.

Oseas 2:23

Sa'yiñi ma'le yi ỹalamaxareteripi quena 'laua, qaica ca taỹa'gue, qaỹimeta; ca' yqouaguegue ma'le añi leenaxat se qanqouaguegue, chaqai shinac ma'le quiñi leenaxat se ỹalamaxaret iuo': Ỹaatqajam qami' ỹalamaxaret. Ca ñi'maxare 'naac ma'le caỹim: Ỹaatqajam qami' qota'olec caỹim.

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Marcos 11:25

Chaqai ma' ñaq nqouagaxaiñitac, ca no'm 'ue ca 'ue ca ỹasauaxat caqamiri, ca' sqo quiỹapeguem. Ta'ta'a quiyim 'xoriñii, qaiyi ñi qota'a ñí'maq viilec neeto'ot na piguim sqai caapeguem ca rasauaxashichii.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Romanos 11:30

Ma' qamiri na'le se na'xaỹaxañiỹa ñi qota'a. Qam nagui ma' na judioipi se na'xaỹaxana ñi'maxare, ca' ñi'maxare 'ue da le'xorenataxanaxa caqamiri.

1 Corintios 7:25

Qam quená'maq saqa' 'on, sqaica ca hueetaỹot ỹaatqajam lelaataxanaxac so qara'gaxala'. Qam sa'xat dá'maq hueetapigui iuel, ma' shintari' ca mashic qaipi'ỹa'a chicqochigui da le'xorenataxanaxa so qara'gaxala'.

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Timoteo 1:16

Qam qaiyiita ñi qota'a yi'xoren, qaiyi caỹim 'auaxaic ỹachaxan so Jesucristo quena qomyipi da leualaxavic lodegaxat. Ma' ỹahotaque quiyim aỹim laloqojnaxanaxat, qaiyi ca qom quiyim ma' huelec so Jesús, ca' ỹacoñiguit da nca'laxa sqaica lqodoc.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Santiago 3:17

Qam quecá'maq hueeto'ot dá'maq na'deenaxanaxa chicqo'ot ñi qota'a, ỹaatqajam 'maxaraic da no'ueenataxac, chaqai hualaqhuaic, 'naxanaxaraic, chaqai 'xaỹaxanqachaqaic, 'xorenataxanaxai, chaqai ỹo'uet na ỹa'maqachiguiñi. Se nañoqotaxai chaqai qamaxaraic.

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.