Mateo 5:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ Ma' no'm qamiri 'xoriñii ná'maq re'xoriñitac, ¿nega'ỹo' cá'maq raviguiguii coñiguit ma'le quedajo? Ma' ná'maq ỹacona'piguit ana nishiuete so nashi quiyi Roma qai'neeta 'ne'tegue dajo.

Mateo 5:46 Iomraidhean Croise

Mateo 11:19

Ime, ca' novi' najo ỹale llaalec. Na'maxare que'e chaqai ne'et. Ca' qamiri 'ñiỹac quemaraxauaic chaqai ne'taaxai, nauochaxaua na sauaqhuaiquipi chaqai ná'maq ỹacona'piguit ana nishiuete ca nashi quiyi Roma. Qam dá'maq la'deenaxanaxa ñi qota'a re'oq dá'maq ñigui.

Mateo 18:17

Ca no'm se na'xaỹaxanalo caua'maxare, ca' qami' 'xachitem ná'maq mashic icoñiguit da na'qaatec ma' lapoota'ta'. Ca no'm se na'xaỹaxana, ca' ca'maxare qohinta'gue cá'maq saqa' icoñiguit da na'qaatec, loqo'm 'neetari' nqohin na icona'piguit ana nishiuete so nashi quiyi Roma.

Mateo 5:47

Chaqai no'm qainaata na rqaỹahi niquiñi'e', ¿nega'ỹo' cá'maq no'uen 'viichitac? Ma' vire'ta ná'maq se ỹauanapega ñi qota'olec qai'neeta 'ne'tegue dajo.

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Marcos 2:15

Ca co'na' so Jesús que'eetac quiyi la'a' so Leví. Ca 'xoico' na ỹacona'piguit ana nishiuete so nashi quiyi Roma, chaqai na sauaqhuaiquipi, nqa'xantañi, lqui'ỹaxaua so Jesús chaqai saua lapaxaguinatqa, ma' ỹaatqajam 'xoico' so qomyipi queeta'pegue' na'le so'maxare.

Marcos 2:16

Qam ná'maq rapaxaguinataxanta'pegue na naqataxaquipi chaqai na fariseoipi co'na' idaana'a so Jesús quiyim lqui'ỹaxaua sá'ogue so qomyipi, 'naaco' quesaua lapaxaguinatqa so Jesús: —¿Chi'neco' ñí'maq ra'gaxalarii que'eeta'pegue' chaqai ne'teeta'pegue' ná'maq ỹacona'piguit ana nishiuete ñi nashi quiyi Roma chaqai na sauaqhuaiquipi?

Lucas 15:1

Ná'ogo' na sauaqhuaiquipi chaqai na ỹacona'piguit ana nishiuete so nashi quiyi Roma, nqo'neetau'a so Jesús, ỹahotaque na'xaỹaxana.

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 19:2

Ca' queso na'a' na'ñi so ỹale nesallaxanec, leenaxat Zaqueo. So'maxare la'gaxala' ná'maq ỹacona'piguit ana nishiuete so nashi na'ñi yi Roma.

Lucas 19:7

Ca co'na' qaỹauanchigui dajo, ca chaqa'ma' 'ue na qaỹa'xat, qohinaco': “So Jesús quepegue' yi la'a' so sauaqhuaic.”

Lucas 3:12

Ime, lotqai ná'maq ỹacona'piguit ana nishiuete so nashi na'ñi yi Roma, na'maxare anac quiyim qanachilaxan. Ca' qainatetac so Juan queca 'neeta: —Qami' napaxaguinataxanaq, qam qomi', ¿negue' ca shinqa'tegue?

Lucas 5:29

Ime, ca' ỹo'uet so lqui'ỹaxac lodegaxat, illa'ñi yi la'a', lqui'ỹaxaua so Jesús. Ca' ỹaatqajam 'xoico' so ỹalequetaho quesó'maq ỹacona'piguit ana nishiuete so nashi quiyi Roma, chaqai 'xoic ná'maq liỹaripi nqa'xantañi, reloqotalec so nqui'ỹaxala'.

Lucas 5:30

Qam so fariseoipi chaqai so liỹaripi só'maq rapaxaguinataxanta'pegue na naqataxaquipi, ca' queeteguelgoto saua nale' so Jesús. Ca' 'neetapegalo: —¿Chi'neco' qamiri ma' rqui'ỹaxauahi ná'maq sauaqhuaiquipi chaqai ná'maq ỹacona'piguit ana nishiuete ca nashi quiyi Roma?

Lucas 7:29

Ca co'na' qara'xaỹa dajo, ca ná'ogue na qom chaqai ná'maq ỹacona'piguit ana nishiuete so nashi quiyi Roma, quesó'maq lachilaxanatqaipi so Juan, se qaỹoqolguit, ỹaatqajam huelec ñi qota'olec quiyim ỹaatqajam llic.

Lucas 7:34

Ime, ca' novi' najo ỹale llaalec ma' ỹa'queetac na na'ic chaqai ne'teetac, ca' qamiri 'ñiỹac quiyim quemaraxauaic chaqai ne'taaxai chaqai nauochaxaua na sauaqhuaiquipi chaqai ná'maq ỹacona'piguit ana nishiuete ñi nashi quiyi Roma.