Mateo 5:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Qam ỹim shinac caqamiri, se cotenachiỹa cá'maq ỹo'uet ca se no'uen caqamiri. Ta'ta'a no'm 'ue ca ỹouaxañigui na rashiigui lahi, ca' lotqai 'ỹaañim da liỹa lahi.

Mateo 5:39 Iomraidhean Croise

1 Reyes 22:24

Ca co'na'le, ca' so Sedequías só'maq llaalec so Quenaana nqo'neu'a so Micaías, ca' ỹouaxañigui na lashic. Ca 'naaco': —¿Negue' cá'maq taigue ca ne'espíritu ñi qota'olec caỹim quiyim retaqaugui qami'?

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Levítico 19:18

'Neeto' vi'saque ca rovichi', chaqai sqo quirapeguem cá'maq chi qauochi'. Rauochitegue ca riỹa'e', ma' chaqai 'nejem qami'. Ỹim ná'maq ỹim na'gaxala'. (19.19-30 Naqataxac quiyim nco'taxateta ca qom, chaqai quena' qanqouagaxainot ñi qota'olec, na'maqataxac ca qom, da nouaxanaxaset cá'maq se na'xaỹaxan, chaqai nauá'maq no'viiñi ỹachaxanta'pe ñi qota'olec.)

Miqueas 5:1

Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Mateo 5:40

Chaqai no'm 'ue ca talaxanegue aqami', ma' ỹahotaque rouootaxana'gue ca nelamaxaqui'i', 'ỹaañitem quiyim i'xat qai'neeta ca nesaaco'e'.

Lucas 22:64

Ca qaỹapoguilo naua nqote' so'maxare, ca' qaỹouaxañigui na lashic, ca' qohinac: —¡Ñaqa 'xachi' negue' ca rouaxañi'!

Lucas 6:7

Ca ná'maq rapaxaguinataxanta'pegue na naqataxaquipi chaqai na fariseoipi chi nauaanta'a so Jesús quiyim ratarenataxan queso na'xa'a co'mataxaqui, qaiyi qaishit qaỹa'ue ca qaỹachigoxochichigui ca lasauaxaset.

Juan 18:23

Ca' so Jesús 'naaco': —No'm 'ue ca ỹa'qaatec se ỹa'maxañi, ca 'xachi' cá'maq 'neeta cá'maq se ỹa'maxañi. Qam no'm ỹa'maqachiguiñi dá'maq shinac, ca' ¿chi'negue ma' youaxañi'?

1 Corintios 6:7

'Nesa ma' llic quiyim qaidaata quiyim se neuojñiỹata', chaqa'ma' re'oq quiyim 'xoic la'aaxa da hueetanguilo qamiri. ¿Chi'negue ma' se na'ñaxachiiguit da se no'uen? ¿Chi'negue ma' sqai 'xañiỹac quiyim liyi qarocachiỹoto qamiri?

1 Tesalonicenses 5:15

Chaqai richilliỹa'ta' quiyim qaica ca ỹopilaxajlec ca se no'uen ca liỹa. Ta'ta'a quiyim 'viichii ca ỹa'maqachiguiñi quiñi 'óna caqamiri chaqai quená'ogue na liỹa qomyipi.

Hebreos 12:4

Ma' caqamiri saqa'leca ca ỹovirau'a quiyim qaỹalauat quiyim reloquita'pegue' na nasauaxaset.

Santiago 5:6

Na' qamiri pataxailec quiyim 'viichii ca lasauaxaset ca qom qaica ca lasauaxaset, chaqai lauachii, qam chi nemanachi'chiguita qamiri na'maxare.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.