Mateo 5:33 - La'qaatqa ñi qota'olec Qota'olec & Qota'olec Novita Na Qomyipi

³³ Qai'neeta 'xaichigui dá'maq qohinaco' na'le queso 'auaxaic qareta'allipi: “'Neeto' sqai pacqajñirigui cá'maq mashic 'ỹaañirec ra'qaachiqui' quiñi qara'gaxala' qota'olec.”

Mateo 5:33 Iomraidhean Croise

Salmos 50:14

¡Da na'aachiqui' quet dá'maq 'ỹaañisacot ñi qota'olec; ipaquichigui nqai'ñi' ca ra'qaachiqui' quiñí'maq qaica ca lqalanec!

Éxodo 20:7

'Neeto' chaqai 'ñiỹa'gue quiyim 'xachii da ỹeenaxat ỹim ra'gaxalari qota'olec, ma' ỹim sqaica ma' sqaica quet ca nouaxanaxaset nqaishin cá'maq chaqai 'na'gue da ỹeenaxat.

Levítico 19:12

'Neeto' 'viichi' ca 'ñirac quiichigui nqai'ñi' da ỹeenaxat, qam sqai pacqajñirigui. Ma' 'ec hualaxaiñirari' da ỹeenaxat. Ỹim qota'olec caqami', ỹim ná'maq ỹim na'gaxala'.

Mateo 5:21

Qamiri 'xaitapega quen da napaxaguinataxac so 'auaxaic qareta'allipi 'naacsa': “Sqai lauataxañi', ma' cá'maq ralauataxan, ca' qaỹa'ue ma'le ca nouaxanaxaset.”

Mateo 5:27

Qamiri 'xaichigui dá'maq na'qaatec nallaaqo': “Se rapa'ira'ñi' aca se roua'e'.”

Deuteronomio 6:13

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.