Mateo 5:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Chaqai no'm na rqai'laxachi' qatoiqui' ỹanataxajñi aqami', ca' chaqairec, chaqai naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai ná'ogue na roshicmaxa'e' qainaxañigui ca ncopatqo' na hualoxonyipi.

Mateo 5:30 Iomraidhean Croise

Mateo 11:6

Chalego la'maxa quecá'maq se yoqolliguit.

Mateo 13:21

Qam ma' sqoỹoxo'ñiguilo naua lpa'yii, ca' se ra'ñi. Ma' quena' 'ue da le'xoric quena nocanaxaquipi souetapigui da na'qaatec, ca' qoshiiuec.

Mateo 16:23

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.

Mateo 17:27

Qam qaiyi qaica ca ỹo'uet ca qarasauaxaset, ca' quirepegue' aso huaaxai, ca' naqairiñi na roqoinaxanaxachi'. Ca cá'maq 'auaxaic roqoiñicshiqui' nallin, ca' hueetaugui ma'le na lap aca chiróla. Ca aca'maxare nalootañi quiyim shiuetenaxañita caqami' chaqai caỹim. Ca do'iro, ca shiuetenaxañi'.

Mateo 18:8

Ca' vichiguiño' no'm da rqai'laxachi' loqo'm da qapiaachi' chicqochigui quiyim 'ue ca rasauaxashichi', ca' chaqairec, ca naqairec, qoỹoqote'oga nqai'ñi'. Ma' paguec la'maxa quiyim noxoñira'a da nca'laxa 'oonoqui' da rqai'laxachi' loqo'm qami' chisaq, qam quiyim se qarenaqairiñigui ca norec sqaica lqodoc quiyim naua'que naua rqai'laqachichi' chaqai naloochiriñi naua richilli'.

Mateo 22:13

Ca' so nashi 'naapego' só'maq neloxoỹaripi queso nqui'ỹaxala': “Coñirii naua lqai'laqate' chaqai naua lichil. Ca' naxahi'oga yi napalaxa pa'aauec. Ca' yí, ca' noỹen ma'le chaqai iquishquinta' naua louee quena nqui'ic.”

Mateo 25:20

'Au ỹoviro' só'maq icoñiguit aso cinco mil, ca ỹaanemo' so na'co' so liỹa cinco mil. Ca 'naaco': “Qami' ña'co', nañaañi' aca cinco mil, ca nagui 'ana ana liỹa cinco mil ỹauegue.”

Mateo 26:31

Ca' so Jesús 'naaco' quesaua'maxare: —Qamiá'ogue palac da rpi'ỹaxaguii caỹim quena pe. Ma' 'nerac naua naneresañi la'qaatqa ñi qota'a: “Salauat ma'le cá'maq neloxoỹaq, ca' neuagaxatetac ma'le ana qagreta.”

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 5:29

Ca no'm añi nqochi'i' pa'a'gue da qatoiqui' ỹaueca'guit qami' ca nasauaxaset, naqachi', ca' naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai 'nejem quiyim ná'ogue na roshicmaxa'e' qainaxañigui ca ncopatqo' na hualoxonyipi.

Marcos 9:43

Chaqai no'm na rqai'laxachi' ỹovirau'a nqai'en ca rasauaxashichi', ca 'maxaraic quiyim chaqairec. Ma' paguec la'maxa quiyim vichirau'a ca nca'laxa, 'eno'm 'oonoqui' ca rqai'laxachi', qam mesqaida quiyim nalo'ojta' naua rqai'laqachichi', qam qarenaqairiñigui ca ncopatoqo' na sauaqhuaiquipi, cá'maq hua'ñi ca norec qaica ishit ỹo'mat,

Lucas 12:5

Qam sa'xatema qamiri cá'maq ỹaatqajam ro'chiỹa: ro'chiỹa ma'le ñi qota'olec ñí'maq 'ue ca 'negue. Ma' ime quiyim naqata'a ca nachaalataxac ca qom, ime, ca lotqai ishit quiyim ilari'ña ca ncopatqo' na sauaqhuaiquipi. Ca' 'iñi ñi paguec quet ro'chiỹa.

Lucas 17:2

Ca no'm 'ue ca sham chicqochigui ca lasauaxaset ca 'óna quenajo collo'olqaipioqui', ca'maxare paguec la'maxa quiyim qaicoñira'gue na lqosot ca qa' lodegaxat nopoxoiqataxanaxat, ime, ca' qainaxañigui aca huaaxai.

Romanos 9:33

só'maq qaỹa'xatetac quenaua naneresañi la'qaatqa ñi qota'a, ma' 'nerac: Aỹim sanañigui na lavinñi yi Sión ñi ỹale quiyim 'ec ca qa' nepoxolaxanaxala' chaqai qa' quiyim 'ue ca huaañi nqai'en; qam cá'maq huelec ñi'maxare, ca se nayiloxontac nqai'en.

1 Corintios 8:13

Vichiguiño' no'm aỹim chicqochigui quiyim ca ỹaqaỹa 'ue ca lasauaxaset sauaxat ca na'ic quiyim sa'ic, 'maxaraic quiyim tot sa'ic ca la'at, qaiyi qaica ca 'ue ca lasauaxaset.

Gálatas 5:11

Qamiri ỹaqaỹa', dá'maq 'neeta caỹim, ma' quetqai ñaqai shiqueteguelec quiyim qaỹa'ue ca netanec na loshicmaxa na qom, ca' se yocantac quet nagui na judioipi; ma' queta' 'neeta dajo, ca' dá'maq na'qaatec quet na' qaipateno so Cristo se ro'o quet nqai'en na judioipi.

1 Pedro 2:8

Chaqai qai'neeta ipaquichigui dá'maq 'naac: Ñi qa' nepoxolaxanaxala', chaqai ỹo'uet quiyim 'ue ca huaañi. Ma' saua'maxare repoxolaxane' co'na' se na'xaỹaxanta da na'qaatec. Qam dajo chi qohinegue quiñi qota'a quiyim 'neeta so qomyipi.