Mateo 5:3 - La'qaatqa ñi qota'olec Qota'olec & Qota'olec Novita Na Qomyipi

³ —Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 5:3 Iomraidhean Croise

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Salmos 1:1

Chalego la'maxa queca qom quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi, chaqai se ỹalecau'a cá'maq i'neetac ñi qota'olec;

Salmos 146:5

Chalego loyac quecá'maq qom qaỹotauan quiñi nqota'olec so Jacob, cá'maq ỹomato'ot da naquitaxac quiñí'maq qara'gaxala' qota'olec.

Salmos 51:17

Aca nachitaxanataxanqate quiñi qota'olec chaqaica ca na'deenataxanaxac 'xoic da nqui'ic; ¡qami' qota'olec se liỹoqoira'piguit aca ne'taxanata neneequesenta!

Salmos 84:12

Qami' qara'gaxala' qaica ca rqalañiqui', ¡chalego la'maxa quená'maq 'ue da lpi'ỹaxac caqami'!

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:6

Chalego la'maxa quecá'maq se yoqolliguit.

Mateo 13:16

Qam chalego la'maxa caqamiri, ma' huanaxañiỹalo naua nqochiri, chaqai 'xahi' naua rque'lahi lauaco.

Mateo 19:14

Qam so Jesús 'naaco': —'Xañiỹac na ñaaqaipioqui' ñaqai nacpegue' aỹim. Se quepaqchita'piguit. Ma' ná'maq hueetagui dá'maq lo'ueenataxanaxac ñí'maq neeta'gue da piguim, neneequesenaxai, 'nejem ná'maq 'neetari' na ñaaqaipioqui'.

Mateo 24:46

Chalego la'maxa queca nelaatec, quiyim ma' novi' ca na'co', ca iuanejlec ñaq ỹo'ueetetac cá'maq qailarelec.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 8:11

Ca' ỹim shinac caqamiri quiyim 'xoic ma'le ca novi' chicqa'gue da lqodoigue chaqai da lauashiguim, ca' nqa'xanñi que'e nouanta'to lqui'ỹaxaua' yaua Abraham, Isaac chaqai ñi Jacob, ma' qainoxona'a ca lo'ueenataxanaxac ñi qota'a queda piguim.

Marcos 10:14

Ca co'na' so Jesús iuanchigui dajo, ca' ro'o. Ca 'naaco' quesaua'maxare: —Ñaqai 'xañiỹac na ñaaqaipioqui' ñaqa nacpegue' aỹim, sqai quepaqchita'piguit, ma' da lo'ueenataxanaxac ñi qota'olec quená'maq hueetagui, chaqaina ná'maq neneequesenaxai 'neetari' meca noctoqui'.

Lucas 11:28

Qam so'maxare 'naaco': —¡Qam ỹaatqajam chalego loyac cá'maq 'xaỹa da la'qaatec ñi qota'olec chaqai ỹaatqajam ỹo'uet!

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Lucas 22:29

Vichiguiño' saanema qamiri ca ro'ueenataxanaxaguii quiyim 'viiquiñitac ná'ogue najo, 'nejem ñi qota'a ỹaanem aỹim da ỹo'ueenataxanaxac,

Lucas 22:30

qaiyi qui'ii chaqai ni'chii queca iqui'ỹaxala' ma' seuetaugui ca ỹo'ueenataxanaxac, chaqai nqa'xañingui caua nashi nqa'xanaxaqui', ca' michii na llaalqaipi so doce llaalqaipi so Israel.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Juan 20:29

Ca' so Jesús 'naaco': —Tomás, nagui, ca' virelec, ma' mashic huañiriua'. Qam chalego la'maxa quecá'maq se iuañiua', qam huejlec aỹim.

Santiago 1:10

Chaqai cá'maq mashic nesallaxanec no'uen quiyim netoontac ma' ỹovita ca na'xa'a quiyim qanemanaxajñi. Ma' cá'maq mashic nesallaxanec, ca'maxare 'nejem aca peue lenoỹaxai, ma' mesqai queeta 'neetari'.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.