Mateo 5:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Mateo 5:28 Iomraidhean Croise

Génesis 34:2

Qam so llaalec so Hamor só'maq nashi heveo le'ec, leenaxat Siquem, iuane'ta aso'maxare. Ca' quepegue', 'eno'm se nasen, qam qaiyiita lapa'ñi', ca' chi iualaxain.

2 Samuel 11:2

Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

Éxodo 20:17

'Neeto' lotqai 'ue ca ripichisa'a coñita queca la'a' quecanchaqaica qom. 'Neeto' ripichisa'a aca loua, chaqai ca la'ac loqo'm aca la'a, loqo'm ca lauegaxanaxala' ñii'lola, loqo'm ca lalo 'ashin, loqo'm canchaqaica quena louenqaipi.

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 5:39

Qam ỹim shinac caqamiri, se cotenachiỹa cá'maq ỹo'uet ca se no'uen caqamiri. Ta'ta'a no'm 'ue ca ỹouaxañigui na rashiigui lahi, ca' lotqai 'ỹaañim da liỹa lahi.

Romanos 7:14

Ma' sa'deenqata quiyim na naqataxaquipi se re'xogui. Qam quedá'maq chi ño'ueenataxac caỹim qom, ca 'eco' qayimen, qaiyi ỹoiquentac aỹim na se no'uen.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

1 Juan 2:16

Ma' qaica quet cá'maq hueetalec ana 'laua quená'maq nanatqaipi se no'uen chicqo'ot quet ñi qota'olec, ta'ta'a quiyim chaqaina ná'maq 'laua hueetalec. Na se no'uen lamaanaxanqachic na qaroshicmaxa, ná'maq qarishoxo quiyim hueeto'oto qomi' ná'maq qarqo'ta quenaua qanqote', chaqai da maqajnaxac quenanchaqaina queda qanachaalataxac, ná'ogue najo ná'maq seuanaxa qaỹachaxantac, qam chaqai hueetalec najo 'laua.