Mateo 5:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Chaqai no'm 'ue ca talaxanegue aqami', ca' raviquira'a cá'maq imit na nasauaxaset, ca' 'au na'maxachire'e' ca'maxare quiyim saqa' viriuo, 'ase' no'm ỹaanot qami' ca imitac na nasauaxaset. Ca' ca'maxare ỹaana'a qami' yi nouaataxanaq, ca' qaỹapou'a qami' cañi ncoñiitaxanaxaqui.

Mateo 5:25 Iomraidhean Croise

Salmos 32:6

Vichiguiño' quena' 'ue da neuogoxo, ca ỹaualqot qami' ná'maq queetalec qami', chaqai no'm 'xoic ca huaxaỹaq, ca i'paxanlec, qam se ỹovitoto caua'maxare.

Proverbios 25:8

mesqai chaqa'ma' do'ira'a ca nimiitaxanqa' quena nasauaxaset, ma' sqoue ca liỹa ỹoqa'a ca 'naac, ma'le, ca' sqa 'yiiñi' ca 'ñiite'.

Mateo 26:58

Qam so Pedro coỹaretaho', qam qoỹoqo'chiguit, chi ỹoviretau'o' yí'maq ỹaatqajam nasoxoc só'maq paguec nashi. Ca co'na'le, ca' nqa'xanñi, huaqata'to saua nouaataxanaq lase', qaiyi ỹa'ajantac cá'maq 'neeta ma'le dajo.

Lucas 18:3

Ca' quesojo na'a' qai'neeta neeta'ñi aso 'aalo pa'ỹe. Ca' aso'maxare piltau'a so ỹale, ỹashiilatac quiyim ñaqai qaro'ootaxanlec aso'maxare queso npa'guenaxaua.

2 Corintios 6:2

Ma' ñi'maxare quenaua la'qaatqa naneresañi 'naac: So na'xa'a viichigui da ỹoqouagaxa, ña'xaỹaxane'ta qami'; chaqai so na'xa'a hueetougui da nca'laxa, ca sotauan qami'. Ca' nagui viichigui dá'maq dajo lqouagaxa ñi qota'a, chaqai chaqaina najo na'xa'a hueetougui da nca'laxa.

Hebreos 12:17

Chaqai qamiri 'yiiñita dá'maq 'neeto' na'le dajo co'na' ime, ca co'na' ỹovita so na'xa'a co'na' so Esaú ỹahotaque icoñiguit só'maq no'uen ñicyaxac qoỹaanem queso leta'a, ca' se qaicoñiguit. Ca 'eno'm 'xoic noỹenaxac, qam tot ỹanata ca la'maqa' quiyim ỹadalaxat dá'maq shi'co' ỹo'uet.

Hebreos 3:13

Ta'ta'a quiyim quiitalec na'ñaxachita'ta' quenaua'que naua na'xata', tomallaqai queete' naua na'xata' nagui. Qaiyi qaica ca qaỹayin caqamiri quena nasauaxaset, ca ỹa'ñaxat añi le'taxanata quiyim se na'xaỹaxan.

Hebreos 3:7

Ca' vichiguiño' quedá'maq 'naac so Espíritu Santo quenaua naneresañi na'qaatqa: No'm nagui 'xaiỹaque dá'maq 'naac ñi qota'a caqamiri,