Mateo 5:22 - La'qaatqa ñi qota'olec Qota'olec & Qota'olec Novita Na Qomyipi

²² Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 5:22 Iomraidhean Croise

Génesis 37:4

Qam saua lqaỹa' co'na' retane' quiyim só'maq leta'a' paguec nqo'ta quesaua'que saua'maxare, ca' qanoquii'a chaqai vire'ta tot qaiquin.

Génesis 37:8

Ca' saua lqaỹa' 'neraco': —¡Ca' quedajo, ca 'ñirac quiyim qami' qarashi ma'le, ca' 'viiquiñisa'pe qomi' ma'le! Ca co'na'le, ca' paguec qanoquii'a queso le'guemataxac chaqai quedá'maq 'neeto' na' ỹa'xat.

2 Samuel 16:7

qam so Simei ỹaatqajam ishiuentac so'maxare. 'Naaco' quen: —¡'Ireu'guiyi quenajo, qami' alaxachi', lauataxanaxai!

2 Samuel 6:20

Ca' so David qai'neeta pilo queca la'a', ma' ỹahotaque ỹaanem da nqouagaxa so llaalqaipi. Qam aso Mical asó'maq llaale so Saúl, 'au ca'guit so David. Ca 'naaco': —¡Ỹaatqajam chalego la'maxa da 'neetari' ná'maq lashi na llaalqaipi so Israel quiyim nachaxana na lelaataipi na lotauaripi nashillipi, 'neetari' ca qaica ca layiloxo!

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

Nehemías 5:8

Ca na'le, ca' shintapega so qomyipi: Cá'maq taachi'ñi cá'maq seshitaq quiyim seshitaq yapilaxataxauec na qouo' laseripi judioipi ná'maq qaimeenougui na'le na ỹoqa'a qomyipi. Ca' ¿qamiri lotqai liỹa miiñii, qaiyi qomi' lotqai liỹa ñaqataxauec? Ca sá'ogue i'maqajlem, tot ỹa'den ca ỹa'xat.

Salmos 14:1

Na se nouoguiñi 'neetapigui lauel qaica ñi qota'olec: ná'ogue ỹo'meetajlec; chalego la'aaxa na ỹo'ueetetac; ¡qaica quet cá'maq ỹo'uet ca ỹa'maqachiguiñi!

Daniel 3:13

Ca' so Nabucodonosor ỹaatqajam ro'o, ca' relaataxane'ogalo quiyim qaỹaueguero saua Sadrac, Mesac chaqai so Abed-nego. Ca, na' mashic reloqota'guita,

Daniel 3:19

Ca co'na' 'xaỹa dajo na'qaatec so nashi Nabucodonosor, ca' netoguec na lashic quena lauel quesaua tres ne'naqa. Ca' relaataxanlec quiyim liỹa qaỹalonougui ñi nqatelaxanaxaqui, qaiyi paguec nqo'neuec da lpa'ỹaaxa.

Mateo 10:17

Ỹaatqajam richilliỹaño', ma' na qomyipi ỹaanero qamiri ma'le quena nashillipi, ca' qaỹouaxanta'pe qamiri ma'le cana lapoxoqui na judioipi.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 12:24

Qam co'na' 'xaỹa dajo so fariseoipi, ca 'naaco': —Dajo ỹale ỹo'daauec na ne'ec lecmaxaiquipi, qam ỹahote'e da lquesaxanaxa so Beelzebú só'maq chi lashi na'maxare.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 18:21

Ca' so Pedro quepegue' so Jesús, ca' inat: —Qami' ỹa'gaxala', ¿ỹote' quet, ca' lqodoc quiyim ỹo'uet ca se ỹa'maxañi ca ỹaqaỹa, quiyim sqa shicapeguem sietolqai'?

Mateo 18:35

Ca' so Jesús co'na' ỹomat da la'qaatec, ca 'naaco': —Ñi ita'a qota'olec neeta'gue da piguim chaqaida 'ne'tegue ma'le caqamiri, no'm quiñi 'óna se ỹachigoxochichigui añi le'taxanata quiyim i'xoren ca lqaỹa.

Mateo 23:15

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri quiilec na 'laua chaqai ana huaaxai, qaiyi huelec nqai'ñii na qomyipi cá'maq viilec. Ca' quiyim shichii ca qom, ca' 'viichii quiyim ca qom paguec ma'le ca nouaxanaxaset quiyim qainaxañigui ca ncopatqo' na hualoxonyipi, sqai 'nejme' qamiri.

Mateo 23:33

¡Qamiri nanaiquipi! ¡Qamiri llaalqaipi na nanaic! ¿Negue' quet cá'maq nañitqarii quecá'maq nouaxanaxashichii ma' qarenaxai'ña ca ncopatqo' na hualoxonyipi?

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Mateo 26:59

So lashillipi na netaxaỹaxanqajanqaipi chaqai so lqo'xonqaipi na judioipi chaqai sá'ogue só'maq nashillipi ỹo'ueetegueñi na leloxoỹaxaquipi, idaantaque ca la'maqa' quiyim ỹo'uet ca lasauaxaset so Jesús, 'eno'm sqai llic, qaiyi qoỹaañiguit ca lelauaxa.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Mateo 5:34

Qam ỹim shinac caqamiri, se ỹa'maxañi quiyim 'ue ca 'quiisapega quiyim 'ỹaañirec ca ra'qaachiqui'. Sqai 'quiisapega na piguim chicqo'ot ca nouaxanaxashichi' quiyim 'ỹaañirec ca ra'qaachiqui', ma' nqa'xanqa' ñi qota'olec na'maxare;

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Marcos 14:55

Ca' so lashillipi so netaxaỹaxanqajanqaipi chaqai sá'ogue so nashillipi ỹo'ueetegueñi na leloxoỹaxaquipi idaantaque ca la'maqa' quiyim 'ue ca ỹachigoxochichigui quiyim qaỹalauat so Jesús, qam se ỹanata.

Marcos 15:1

Ca co'na' mashic richiguiñi, ca' so la'gaxalateripi so netaxaỹaxanqajanqaipi chaqai so qo'xoiquipi chaqai so rapaxaguinataxanta'pegue na naqataxaquipi chaqai sá'ogue só'maq nashillipi ỹo'ueetegueñi na leloxoỹaxaquipi nanchaqaina, sá'ogue lapoỹata', ca' qoỹaxateta so Jesús, ca' qaỹauegueu'a so Pilato.

Lucas 12:5

Qam sa'xatema qamiri cá'maq ỹaatqajam ro'chiỹa: ro'chiỹa ma'le ñi qota'olec ñí'maq 'ue ca 'negue. Ma' ime quiyim naqata'a ca nachaalataxac ca qom, ime, ca lotqai ishit quiyim ilari'ña ca ncopatqo' na sauaqhuaiquipi. Ca' 'iñi ñi paguec quet ro'chiỹa.

Lucas 22:66

Ca co'na' mashic richiguiñi, ca lapoỹata' so qo'xoiquipi quena judioipi, chaqai saua lashil na netaxaỹaxanqajanqaipi, chaqai na rapaxaguinataxanta'pegue na naqataxaquipi. Ca' qaỹauegueu'a so Jesús so nashillipi ỹo'ueetegueñi na leloxoỹaxaquipi. Ca qainatetac, qohinac:

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Juan 15:25

Qam dajo 'ue, ma' qaỹahotaque quiyim ipaquichigui nqohin da na'qaatec naneretañi queso naqataxaquipi qoỹaanema saua'maxare, ma' 'nerac: “Qaica quet cá'maq 'neeta, qam qanoquihaỹa'.”

Juan 7:20

Ca' so qomyipi 'naaco': —'Ue ñi lelaatec so na'ỹaapec neetagui qami', ma' ¿nega'ỹo' ca ỹahotaque ralauachi'?

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Hechos 17:18

Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.

Hechos 22:30

Ca' queso liỹa na'xa'a, ma' so nouaataxanaq lashi ỹahotaque ỹa'den cá'maq 'neeta quiyim na judioipi noquiaatapega so Pablo, ca' naqate' saua caréna queso'maxare. Ca lapoonta' sá'ogue so nashillipi ỹo'ueetegueñi na leloxoỹaxaquipi, ca qaỹaueguec so Pablo quiyí'maq hueesa'ñi saua'maxare.

Hechos 23:1

Ca' so Pablo co'na' idaanaugui so nashillipi, ca 'naaco': —Qamiri ỹaqaỹarolqa, ñaqai queeta quiyim qaica ca ño'uenegue ỹasauaxaset quiñi qota'olec, chi ỹovireta'a najo na'xa'a.

Hechos 24:20

Loqo'm quená'maq hueete'e najo nagui, ca ỹa'xat no'm 'ue ca ỹasauaxaset na' salequetaugui so lapoxoc na nashillipi ỹo'ueetegueñi na leloxoỹaxaquipi.

Hechos 4:15

Ca' quiyi, ca qailarerec, qaiyi se ỹaleguero queso lapoxoc, ma' so nashillipi ỹahotaque quiyim noda'ajta', ca retaxaỹata'.

Hechos 5:21

Ca co'na' 'xaita dajo, ca co'na' nete'etam queca liỹa na'xa'a, ca inoxondougui añi no'ueenaxanaxaqui, ca rapaxaguinataxanta'pe. Qam só'maq lashi na netaxaỹaxanqajanqaipi chaqai so lotauaripi lapoonta' na nashillipi ỹo'ueetegueñi na leloxoỹaxaquipi, ná'maq paguec qo'xoiquipi quena llaalqaipi so Israel. Ca qarelaataxane'ogalo saua lelaatqa so Jesús cañi neesaugui ncoñiitaxanaxaqui.

Hechos 5:27

Ca co'na' qanoviraxate', ca qaỹaueguereu'a so lapoota'ta' nashillipi quiyim qaỹo'uet ca leloxoỹaxac. Ca' so lashi na netaxaỹaxanqajanqaipi 'naapegalo' saua'maxare:

Hechos 6:12

Ca' queda, ca 'em ro'o so qomyipi chaqai so qo'xoiquipi, chaqai so rapaxaguinataxanta'pegue na naqataxaquipi. Ca' qai'guentalec so Esteban, ca qaiconlec, qaỹauegueu'a so nashillipi ỹo'ueetegueñi na leloxoỹaxaquipi.

Hechos 6:15

Ca' so nashillipi chaqai sá'ogue só'maq nqa'xantañi quiyi'maxare, co'na' ra'ỹo'ot so Esteban, ca ỹoqa'a na lashic, 'nejem na lashicyaxac na chicqashiguim qota'a lelaatec.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

1 Corintios 6:6

¿Peeta'a ỹouen ca mashic icoñiguit da na'qaatec quiyim 'ue ca qaỹasauaxat queca lqaỹa lpi'ỹaxaua quiyim quepegue' ca nashi saqa' icoñiguit da na'qaatec quiyim ỹa'maxajñi?

Deuteronomio 15:11

'Neeto' 'xañisac quiyim 'ue ca 'ue ca le'xoric quena 'laua. Ca vichiguiño' shinac caqami' vite ca rami'i' queca qauochi' le'ec 'ue ca le'xoric queca louenaxanaxa queca 'laua ñiisa'ñi.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.

Tito 3:2

Se ỹa'xat ca se no'uen quiyim queeteguelec ca liỹa. Qaidaata quiyim 'xoic ca leualaxavic chaqai qouagaxanqachaqaic, re'qoota nqai'en da neneequesenaxac quená'ogue na qomyipi.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

Santiago 2:20

Qam qami' sqa 'maxariñi', ca' ỹaatqajam qaica ca 'yiiñi', ma' no'm ca npi'ỹaxac sqaica ca ỹa'maqachiguiñi lo'ueenataxanaxac, ca' cajo npi'ỹaxac 'ec leuaxaic.

Santiago 3:6

Ca' ñi qaro'legaxanaxat 'neetari' meca norec. Ñi'maxare imaalec ná'ogue na se no'uen neetaugui na qaroshicmaxa, ca' na'axat ná'ogue na qaroshicmaxa. Qam dajo lauaq ỹachigoxotetapegueu'a ca norec sqaica lqodoc, ca' ỹavigaxatetac da qanachaalataxac.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

1 Juan 2:9

No'm 'ue ca 'naac hueeta'ñi ca qaica ca lapalqa', qam ñaq noquiaatapega ca lqaỹa, ca'maxare ñaqai hueetaugui na napalaxa.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.

Judas 1:9

Qam só'maq lashi na nelaatqaipi piguim laseripi, leenaxat Miguel, co'na' reloquita'pegue' so na'ỹaapec, ro'ootaxanteguelec so loshicmaxa so Moisés, se ishit quiyim inaxalec ca nouaxanaxaset ỹahota'ahi naua la'qaatqa. Ta'ta'a quiyim 'naac: “Ñí'maq qara'gaxala' nelaxa qami' ma'le.”

Apocalipsis 20:14

Ca na' ime, ca' so nelauaxa chaqai só'maq lapooqo' na leuaxaiquipi qainaxariñigui ca norec lodegaxat. Ca' sojo norec lodegaxat chaqaiso só'maq co'uaataxanaxaic nelauaxa.