Mateo 5:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ma' ỹaatqajam llic dá'maq shinac caqamiri, quiyim ñaqa 'ue na piguim chaqai na 'laua, ca' sqaica ca qanaqata'a quena nerqaipi, vire'ta ca netancoqui' quena naqataxaquipi quiyim saqa' ỹovita quiyim ipaquichigui ná'ogue ná'maq 'neeta mashic qoỹeretañi.

Mateo 5:18 Iomraidhean Croise

Isaías 40:8

Ỹaso ana peue chaqai ana lenoỹaxai roỹapi, qam naua la'qaatqa ñi qota'olec coqomi' chaqaidaata 'neesari'.

Isaías 44:26

Qam so'uet quiyim ipaquichiguilo naua la'qaatqa na ilaatqaipi chaqai 'maxaraic nqaishin cá'maq ỹo'ueetetac. Ỹim sa'xat quiyim yi Jerusalén liỹa pilchigui quiyim na'a' lodegaxat chaqai na na'aateripi quiyi 'laua Judá liỹa qano'xonshiguim. Ỹim so'uet quiyim qano'viishiguim ná'maq mashic ropoqota.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 10:23

Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Mateo 10:42

Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.

Mateo 11:11

Ỹaatqajam llic da shinac caqamiri quiyim quená'ogue na qom quená'maq vire'ta nagui nca'leetauec, qaica ca paguec lecaic quesó'maq nachilaxanataxanaq leenaxat Juan. Qam cá'maq paguec cocho'qui' queda lo'ueenataxanaxac ñi qota'a queda piguim, paguec lecaic queso'maxare.

Mateo 13:17

Ỹaatqajam llic da shinac caqamiri, quiyim 'xoic na qota'a letaxaỹaxanqajnec chaqai na huagaxaraic qomyipi ỹahotaco' quen iuana dá'maq huañiỹa qamiri, qam se iuana. Chaqai ỹahotaque 'xaỹa dá'maq 'xaiỹa qamiri, qam sqa 'xaỹa.

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 18:18

Ỹaatqajam lliqueta da shinac caqamiri quiyim 'ue ca coñirii quenajo 'laua, ca' qaicoñi' qai'neeta queda piguim. Chaqai cá'maq sohiuec qamiri quenajo 'laua, qai'neeta qaỹosouec queda piguim.

Mateo 18:3

Ca 'naaco': —Ỹaatqajam lliqueta da shinac caqamiri, no'm sqai pilliichigui nqai'ñii quiyim denaxachii ca noctoqui', ca sqai shichii noxoñiu'a da lo'ueenataxanaxac ñí'maq neeta'gue da piguim.

Mateo 19:23

Co'na'le, ca' so Jesús 'naaco' quesaua lapaxaguinatqa: —Ỹaatqajam llic da shinac caqamiri, quiyim 'xoic lqalaic quiyim ca nesallaxanec inoxona'a da lo'ueenataxanaxac ñi qota'a neeta'gue da piguim.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 21:21

Ca' so Jesús 'naaco' quesaua'maxare: —Ỹaatqajam llic da shinac caqamiri, quiyim llic 'ue ca rpi'ỹaxaguii chaqai ỹaatqajam 'chichiguiñi nqai'ñii, mesqaidaata dajo shichii 'viichii. Ma' quiyim 'ñiỹapega anajo quemaralec late'ogue': “Qo'ñi' quenajo, 'iriñigui aso huaaxai”, ca' chaqaida 'neeta ipaquichigui dá'maq 'ñiỹac.

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 23:36

Ỹaatqajam llic da shinac caqamiri, quiyim ná'ogue na nasauaxaseteripi quená'ogue taalec ma'le najo qomyipi nagui.

Mateo 24:2

Qam so Jesús 'naaco' quesaua'maxare: —¿'Ajñitac ná'ogue najo? Ỹaatqajam llic da shinac caqamiri quiyim quenajo qaica ca qa' no'ueenalec ca liỹa quenajo 'imec ma'le, ma' ná'ogue qaỹopoxoỹaxachigui ma'le.

Mateo 24:47

Ỹaatqajam llic da shinac caqamiri, quiyim so na'co' pataxalec ma'le ná'ogue na louenqaipi.

Mateo 25:12

Qam so'maxare 'naaco': “Ỹaatqajam se seuanapegalo qamiri.”

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Mateo 5:26

Ca' ỹaatqajam llic da shinac caqami', quiyim sqai shichi' nenoxoñirec quiyi'maxare, no'm saqa' machirigui quiyim shivichiñi' cá'ogue aca ra'ualli'i'.

Mateo 6:16

Ca ma' ỹovita quiyim nqopaaqachichii, qam se re'oq nqai'ñii quiyim ỹaviguiñi na qashiigui, 'nejem dá'maq 'ne'tegue quen ná'maq chi nachaxanta qomyipi. Ma' na'maxare 'ne'tegue dajo, ma' ỹahotaque qaỹa'den quiyim nqopaaqachitetac. Ca' ỹim shinac caqamiri quiyim na'maxare shi'gue 'ue da nishiuetenaxac.

Mateo 6:2

Ca' vichiguiño' quiyim tauañii cá'maq 'ue ca louenaxanaxa, qam sqai 'deenaxanaxañiigue ná'ogue na qomyipi, 'nejem dá'maq 'ne'tegue quen ná'maq 'neetapigui lauel quiyim huagaxaraiquipi, nachaxanta quiyim hueetaugui ana lapoxoqui na judioipi chaqai quena nayiquipi. Dajo 'ne'tegue, ma' ỹahotaque quiyim qaimaqachin quena qomyipi. Qam ỹim shinac quedajo 'ne'tegue, chaqa'ma' shi'gue 'ue da nishiuetenaxac.

Mateo 8:10

Ca co'na' so Jesús 'xaỹa dajo, ca 'uo' da le'laxa. Ca 'naaco' quecá'maq liỹaripi: —Ỹaatqajam llic da shinac caqamiri, quená'ogue na Israel qaica ca seuana qom 'xoic ca lpi'ỹaxac 'nejem dajo ỹale.

Marcos 10:15

Ỹaatqajam llic da shinac caqamiri, cá'maq sqai 'neetari' ca noctoqui' quiyim icoñiguit da lo'ueenataxanaxac ñi qota'olec ma' ỹoiquentac ná'ogue najo, ca' se inoxona'a.

Marcos 10:29

Ca 'naaco' na'le so Jesús: —Ỹaatqajam lliqueta da shinac caqamiri, quecanchaqaica quiyim no'ueenaqtetañi ca la'a', loqo'm caua lqaỹa' ỹale', loqo'm caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm caua llaalqa, loqo'm ca na'laua, sauaxat aỹim chaqai da na'qaatec chicqaugui da nca'laxa,

Marcos 11:23

Ma' ỹaatqajam llic da shinac caqamiri, quiyim canchaqaica 'naapega ana quemaralec late'ogue': “Qo'ñi' quena vi'sa'ñi, 'iriñigui aca huaaxai”, qam se ỹoqolliguit ca la'qaatec, ta'ta'a quiyim huelec quiyim ipaquichigui cá'maq 'naac, ca' chaqaida 'neeta.

Marcos 12:43

Ca' so Jesús roỹaxanalo saua lapaxaguinatqa, ca 'naaco' quesaua'maxare: —Ỹaatqajam llic da shinac caqamiri, quiyim asojo pa'ỹe 'xorai paguec aso inaxañi quená'ogue na liỹaripi inaqategueñi ana lam cañí'maq nachitaxanataxanqate lahi'.

Marcos 13:30

Ỹaatqajam llic da shinac caqamiri, quiyim ná'ogue najo re'oq ma'le, ma' saqa' ileu na qomyipi hueetauguilo nauajo na'xata'.

Marcos 14:18

Ca co'na' sá'ogue reloqotalec so nqui'ỹaxala' que'eetac, ca' so Jesús 'naaco': —Ỹaatqajam llic da shinac caqamiri, quiyim ñi 'óna iqui'ỹaxaua caqamiri yayaano ma'le.

Marcos 14:25

Ỹaatqajam llic da shinac caqamiri, quiyim tot liỹa ñi'chigui najo li'i ana uva, toco' ma' ỹovita ca na'xa'a quiyim ñi'chigui ca dalaxaic lataxa, ma' ỹovita ca lo'ueenataxanaxac ñi qota'olec ma' ỹoiquentac ná'ogue najo.

Marcos 14:30

Qam so Jesús 'naaco' queso'maxare: —Ỹaatqajam llic da shinac caqami', quena pe ma' saqa' ỹovi' dos noỹen ca huaqa'e, qala' ỹovi' tres quiyim noqollicchisa'pegue aỹim quiyim 'ñirac sqai huañirapiguiỹa'.

Marcos 14:9

Ỹaatqajam llic da shinac caqamiri, quiyim canchaqai hua'gue quiyim qaỹa'xat dajo na'qaatec chicqaugui da nca'laxa quená'ogue na 'laua, qai'neeta qaỹa'xatetac da ỹo'uet aso 'aalo, qaiyi se qaicoua'e aso'maxare.

Marcos 3:28

Dá'maq shinac nagui caqamiri ỹaatqajam lliqueta, quiyim ná'ogue na qomyipi ishit quiyim qaỹapalaxat na lasauaxaseteripi, chaqai ná'ogue ná'maq ỹa'xat se no'uen.

Marcos 6:11

Chaqai no'm 'ue ca hua'ñi quiyim se qaicoñiguita chaqai se qana'xaỹaxanalo qamiri, ca' oquiỹa'e ca'maxare, qam ma'le, ca ochigoxoiuec na namoxoỹaxa inocaho quenaua qapelachiri, ca dajo netanec quiyim ca'maxare chi nasauaxatalta'. Qam ỹaatqajam llic da shinac quiyim ma' ỹovita ca pa'aatec na'xa'a ma' imit na nasauaxaseteripi ñi qota'olec, ca' paguec lecaic ma'le ca nouaxanaxaset queso na'ñi yi Sodoma chaqai yi Gomorra ná'maq na'aateripi se icoñiguita qamiri.

Marcos 8:12

Ca so Jesús chi nauequeto' lacat, ca 'naaco': —¿Chi'negue ma' najo qomyipi rashiilaxantaque ca netanec se qaiuanapega? Qam ỹaatqajam llic da shinac caqamiri quiyim nagui ỹaatqajam qaica ca qaỹachaxanem quena netanec na qomyipi.

Marcos 9:1

Ca' so Jesús qai'neeta 'naaco': —Ỹaatqajam llic da shinac caqamiri, quiyim 'vio' caua quená'maq ỹalequesaho nagui saqa' ileue', ca' iuanchirigui ma'le da lo'ueenataxanaxac ñi qota'olec chaqai da lquesaxanaxa ma' ỹoiquentac ná'ogue najo.

Marcos 9:41

Ma' canchaqaica quiyim 'ue ca ỹaanema qamiri 'eno'm chaqai 'oono'lli' aca 'taxaqui queca huaxaỹaq, quiichigui nqai'en da ỹeenaxat, ma' mashic qamiri ỹalamaxarete', ca ca'maxare ỹaatqajam 'ue ma'le ca nishiue'.

Lucas 11:51

Ca' chicqochi'ñi nqai'en co'na' qaỹalauat so Abel, ca chi ỹovireta'a ca nalauataxac so Zacarías, na' qaỹalauat huaugui añi no'ueenaxanaxaqui late'ogue' yí'maq na'ñi aso ncopatoxonaxalate. Ca' vichiguiño' shiñiỹapegaxaua' quiyim ñi qota'olec ro'laxana'pegue' ma'le da lelauaxa so qomyipi quenajo qomyipi hueetaugui nagui.

Lucas 12:37

Chalego la'maxa quecauajo nelaatqa quiyim ma' novi' ca na'coote' iuanejlgoto quiyim ñaq neloosauec ma' novi'. Ỹaatqajam llic da shinac quecajo a'co' na'maxajñi, ca nqa'xanaxañiñi caua'maxare, iloxoỹaxandelec ca nqui'ỹaxala', ime, ca' niỹoqshiguim ca na'ic.

Lucas 13:35

'Ajñii qamiri, ma'le naua ra'aachiri co'tejelgoto; chaqai aỹim shinapegalo qamiri quiyim tot liỹa huañiua', toco' ma' 'ñiỹac: “Ỹaatqajam chalego loyac da llicyaxac ná'maq nelaatalo qomi' ñi qara'gaxala'.”

Lucas 16:17

Qam paguec se qalaq quiyim ime na piguim chaqai na 'laua, qam se ishit quiyim se ipaguigui cá'maq ỹa'xat ca 'oonoqui' quena nerec quená'maq naqataxaquipi.

Lucas 18:17

Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Lucas 18:29

Ca' so Jesús 'naaco': —Ỹaatqajam llic da shiñiỹapegaxaua', quecanchaqaica quiyim ca'e ca la'a', loqo'm caua leta'al, loqo'm ca lqaỹaripi, loqo'm aca loua chaqai ca llaalqaipi, sauaxat quiyim hueetaugui da lo'ueenataxanaxac ñi qota'a ma' ỹoiquentac ná'ogue najo,

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Lucas 4:24

Ca lotqai queetalec da la'qaatec, 'naac: —Shiñiỹapegaxaua' quiyim ỹaatqajam llic quiyim sqaica ca la'qaataxanqajnec ñi qota'a quiyim leuoteta qoyiuelec quecá'maq chi la'aayaxauaripi.

Juan 1:51

Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

Juan 10:1

Ỹaatqajam lliqueta dá'maq shinac caqamiri, quiyim cá'maq sqa taatougui ca lasom aca lahi' ana qagretaipi quiyim inoxono, ta'ta'a quiyim ỹoqa'a ca taatou'e, ca' chaqaica cá'maq cuataxai chaqai huootaxanaxai.

Juan 10:7

So Jesús lotqai liỹo' 'naac queso qomyipi: —Ỹaatqajam llic da shinac caqamiri: Ỹim ná'maq ỹim lasom lligo ana qagretaipi.

Juan 12:24

Ỹaatqajam llic da shinac caqamiri, quiyim no'm 'óna ca trigo la sqai najñi, ca' taugui na 'laua, ca' se nqo'in quiyim 'oonoqui'. Qam no'm ileu, ca' ishit quiyim 'xoic ca qanaqat chicqaugui.

Juan 13:16

Ỹaatqajam llic da shinac caqamiri, quiyim qaica nelaatec ỹapacauec queca na'co', chaqai qaica quet cá'maq qaila' ỹapacauec quecá'maq relaataxan.

Juan 13:38

Ca' so Jesús 'naaco' queso'maxare: —¿Ỹaatqajam lliqueta quiyim shichi' 'ỹaañirec da nachaalataxaqui' caỹim? Ỹaatqajam llic da shinac caqami', ma' saqa' noỹen ca huaqa'e, ca' qami' shi'gue tres pilliralec quiyim 'ñirac sqai huañirapega aỹim.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Juan 16:23

Ca' quecajo na'xa'a, ca' tot yinachii. Ỹaatqajam llic da shinac caqamiri, quiyim ñi qota'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 21:18

Ỹaatqajam lliqueta da shinac caqami', quiyim na' ñaqai qami' ne'necolec, quena' no'viichi' ñi'riñi naua qatoohi', ca 'viiquiñi'sac cá'maq sham 'itegue. Qam ma' ỹovita quiyim qami' qo'xoic, ca 'ỹaañirec naua rqai'laqajchi', ca ỹoqa'a ca ilamo'guelo qami' caua qatoohi', ca' raviquitegue cá'maq sqa viisaque quiyim 'itegue.

Juan 3:11

Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 6:26

Qam so Jesús 'naaco' queso qomyipi: —Ỹaatqajam llic da shinac caqamiri, quiyim qamiri daañitaque aỹim ma' na' qui'ii ỹovire'ta quemari, qam mesqaida quiyim 'yiiñichigui ca netanec se qaiuanapega.

Juan 6:32

Ca' so Jesús 'naaco': —Ỹaatqajam lliqueta da shinac caqamiri: Quiyim mesqaiso so Moisés só'maq ỹaanema qamiri so pan chicqashiguim, ta'ta'a ñí'maq ita'a ñí'maq ỹaanema qamiri cá'maq ỹaatqajam pan chicqashiguim queda piguim.

Juan 6:47

Ỹaatqajam llic da shinac caqamiri, quecá'maq huelec aỹim, ca 'ue ca lca'laxa sqaica lqodoc.

Juan 6:53

Ca' so Jesús 'naaco' queso qomyipi: —Ỹaatqajam lliqueta da shinac caqamiri, ma' no'm qamiri sqa 'guii na loshicmaxa najo ỹale llaalec, chaqai se ni'chiiguilo caua leuo', ca' sqaica ca rca'laxahi.

Juan 8:34

Ca' so Jesús 'naaco' quesaua'maxare: —Ỹaatqajam lliqueta dá'maq shinac caqamiri, quiyim ná'ogue ná'maq ỹo'ueetetac ná'maq ne'taxaloxo, na'maxare la'aquipi da ne'taxaloxo.

Juan 8:51

Ca ỹaatqajam llic dá'maq shinac caqamiri, quiyim cá'maq na'xaỹaxana dá'maq sa'xat, ca tot ileu.

Juan 8:58

Ca' so Jesús 'naaco' queso qomyipi: —Ỹaatqajam llic da shinac caqamiri, quiyim na' saqa'leca so Abraham, ca' shi'gue 'ue aỹim.

1 Pedro 1:25

qam daua la'qaatqa ñi qara'gaxala' chaqaidaata 'neesari', se imero. Ca' nauajo na'qaatqa chicqoraugui da nca'laxa chaqaida dá'maq qaỹa'xatema qamiri.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.