Mateo 5:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ 'Neeto' lotqai 'neetapigui qavillii quiyim ñovi', ca sa'ue ca lqodoc na naqataxaquipi chicqo'ot na'le so Moisés chaqai ná'maq lapaxaguinataxanaxac so letaxaỹaxanqajanqaipi ñi qota'a. Se ñanac quiyim sa'ue ca lqodoc. Ta'ta'a quiyim ñanac, qam ỹaatqajam ipaquichigui nqaishin dá'maq ỹaatqajam leloxoỹaxac.

Mateo 5:17 Iomraidhean Croise

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Mateo 7:12

Ca' vichiguiño' qamiri 'viichii cá'maq viitaque quiyim qohine'teguelo qamiri quena qomyipi, ma' chaqaida dá'maq lelaataxanaxac na laqataxaquipi so Moisés chaqai naua lerecse' so letaxaỹaxanqajanqaipi ñi qota'a.

Lucas 16:17

Qam paguec se qalaq quiyim ime na piguim chaqai na 'laua, qam se ishit quiyim se ipaguigui cá'maq ỹa'xat ca 'oonoqui' quena nerec quená'maq naqataxaquipi.

Juan 8:5

Na naqataxaquipi chicqo'ot so Moisés ilarelgoto qomi' quiyim salauataq ana 'aalo 'nejem ada, sodoqota'a na qa'. Qam qami' ¿negue' ca 'ñirac?

Hechos 18:13

Ca' qohinaco' queso nashi: —Najo ỹale mashic ishit na qomyipi quiyim nqouagaxainot nqai'en ñi qota'olec, qam mesqa taagui nqai'en dá'maq 'auaxaic nelaataxanaxac.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

Hechos 6:13

Qaidaanapigui qai'neeta caua liỹa', qaỹahotaque quiyim se ỹa'maxañi ca ỹa'xate'. Ca 'neraco': —Najo ỹale ỹaatqajam sqai ỹaxanñi quiyim se no'uen na ỹa'xatetac, pa'guentac añi co'teeta no'ueenaxanaxaqui quena Jerusalén chaqai na naqataxaquipi chicqo'ot na'le so Moisés.

Romanos 10:4

Ma' so Cristo chaqaiso só'maq lqodoc so naqataxaquipi chicqo'ot so Moisés, ca ỹo'uet quiyim ná'ogue ná'maq huelec so'maxare, ca qaicoñi'chiguit quiñi qota'olec.

Romanos 3:31

Ca quedá'maq qarpi'ỹaxac, ca' ¿qaica ca 'negue nqaishinaq da naqataxaquipi? ¡'E'! Ta'ta'a quiyim se'taxataxañi dá'maq naqataxaquipi.

Romanos 8:4

Ỹo'uet dajo ñi qota'a, qaiyi qomi' seshitaq so'ueetaq ná'maq 'naac na naqataxaquipi. Ma' totqai qolqata'pegue' dá'maq se no'uen lamaanaxanqachic na qaroshicmaxa, ta'ta'a quiyim qolqata'pegue' so Espíritu.