Mateo 5:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Chaqai mesqai qaicopata'a aca ncoỹeraxanaxaqui, ca' qoỹanaugui aca nade lahi'. Ta'ta'a quiyim qoỹanashiguim, ca' qaiyi coỹarelec cá'maq hueeta'ñi ca na'a'.

Mateo 5:15 Iomraidhean Croise

Zacarías 4:2

¿Negue' ná'maq rauanachiqui'? Ca' ỹim shinac: Seuane'ta ñi ncoỹeraxanaxat imaañi 'oro, ca 'ue añi hueetagui na aceite pa'aatashiguim. Ca pa'aasashiguim ñaua siete lcoỹeraxanaxaqui', ca' ñaua'maxare ỹovirau'alo saua siete lligro na aceite.

Marcos 4:21

Qai'neeta 'naaco' so Jesús: —¿Ỹa'maqachiguiño' quiyim qaỹa'ue aca ncoỹeraxanaxaqui, ca qoỹan'ot aca nade lahi', loqo'm ca nomala'? Se ỹa'maxañi. Ta'ta'a quiyim qoỹanashiguim aca ncoỹeraxanaxaqui, qaiyi re'qojlec nqai'en.

Lucas 11:33

Qaica ca copata'a aca lcoỹeraxanaxaqui, ca' ỹa'ue ca ỹana'ñi quiyim ỹoxojñi loqo'm ỹapolec. Qaidaata quiyim ỹanashiguim aca'maxare, qaiyi canchi inoxono, ca re'qojlec.

Lucas 11:36

Ma' no'm dá'ogue da no'ueenataxaqui' re'qojlec, ca' sqaica ca napaltalec, ca ná'ogue re'qojlec nqai'ñi', 'nejem quena' qaicoỹarelec aqami' caso ncoỹeraxanaxaqui lauaq.

Lucas 8:16

Qaica ca copata'a ca lcoỹeraxanaxaqui, ca ỹapolec, loqo'm ỹano'ot na lo' ca lo'paxala'. Ta'ta'a quiyim ỹanashiguim, qaiyi no'm 'ue ca nenoxono, ỹovira'oga ca lauaq.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

Hebreos 9:2

Qam so no'ueenaxanaxaqui na' qaỹo'uet ỹaatqajam qaỹa'maxachichiguiñi, ca só'maq pa'aata'guit so 'auaxaic napoxonaxat, leenaxat noma' co'teeta. Ca' neeta'ñi aso ncoỹeraxanaxaqui chaqai so pan lomala' hueetalec na pan mashic qoỹaanot ñi qota'a.

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.