Mateo 5:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qamiri 'ñiitari' aca ncoỹeraxanaxaqui louena ná'maq neetalec ana 'laua. Ca na'a' nejlec aca quemaralec ladocai se nqañoxojñi.

Mateo 5:14 Iomraidhean Croise

Juan 12:36

Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri. Ca co'na' ime 'naac dajo, ca' so Jesús eec nqañoqtapeguema saua'maxare.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 9:5

Quiyim ñaqa seuetalec na 'laua, ca' ỹim lcoỹeraxat na 'laua.

2 Corintios 6:14

'Neeto' rotauahi ca qom saqa' icoñiguit da na'qaatec. Ma' quiyi, ca' se natenta' qamiri. Ma' ¿negue' quet cá'maq 'neeta cá'maq 'maxaraic chaalataxac quiyim huaqata'guit ca se no'uen, chaqai ca 'ue ca lauaq huaqata'guit ca napalaxa?

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

1 Tesalonicenses 5:5

Ma' qamiá'ogue viitaugui yi na'xa'a ma' re'qoochiguiñi, ma' sqai seuqataugui yi pe ma' napalaxa.

Apocalipsis 1:20

Ca' dajo dá'maq leloxoỹaxague' se re'xogui taỹauguilo saua siete huaqajñi huañichiriguilo llo'qoota'alo queda ỹoic, chaqai quesaua siete ncoỹeraxanaxaqui' 'oro: saua siete huaqajñi taỹaugui quiñi 'óna nelaatec quená'maq reloqota'a ná'maq mashic icoñiguit da na'qaatec neetalgoto yaua siete 'lauari, chaqai saua siete ncoỹeraxanaxaqui' taỹauguilo sauá'maq neetalgoto yaua siete 'lauari.

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.