Mateo 5:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Mateo 5:12 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

1 Reyes 18:13

Ca' ¿peeta'a se qara'qaataxano' qami' na'le quedá'maq so'uet na' aso nashi Jezabel ỹahotaque nalauajñi so letaxaỹaxaquiripi ñi qara'gaxala' qota'olec? Ca' ỹim na'le soxojñi so cien qomyipi, dos saua nqañoqotqate' nqaishin, cincuenta so sellaugui quiñi 'óna lauac, ca' saante'em na loq.

1 Reyes 18:4

Chaqai co'na' aso nashi Jezabel relaataxanlec quiyim qaỹalauat na lca'acsec letaxaỹaxaquiripi ñi qota'olec, ca so'maxare ỹoxojñi so cien qomyipi, ca ỹasectaxajñigui na lavinñi, ca' dos nqai'ne' naua lapooqote', nañoxotouguilo nqai'en saua dos lauaco. Ime, ca' ỹaante'em na loq.

1 Reyes 19:2

Ca' aso Jezabel ỹa'uo' so lelaatec quiyim 'naapega so Elías: —¡No'm qami' Elías, qam ỹim, ỹim Jezabel! Ca' na qarashiilqaipi nqolaquipi ỹa'ue ca ñouaxanaxaset lodegaxat, no'm nete'e ma' 'nejem nagui sqai shi'ntegue qami' dá'maq 'ñitetegue so lauachi' netaxaỹaxaquiripi.

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

2 Reyes 1:9

Ca chaqa'ma' ila' so nouaataxanaq lashi chaqai so cincuenta nalliripi. Ca co'na' ỹovi' so qomyipi, ca' so Elías nqa'xantañi cana roto aso quemaralec qa' ladocai. Ca' so nouaataxanaq lashi 'naaco' queso'maxare: —¡Qami' netaxaỹaxaqui, ñi qarashi 'naac quiyim renochirec!

Salmos 19:11

Chaqai qai'neeta naqataxaco quenajo relaachiqui' ca ma' na'xaỹaxanalo, ca' 'ue da la'maxa.

Jeremías 26:8

Ca co'na' so'maxare ỹomat dá'maq ỹa'xat dá'maq qohinapega quiñi qara'gaxala', ca' sá'ogue so qomyipi iconlec so'maxare, ca 'naapega: —¡Nagui, ca' rillivi'!

Jeremías 37:14

Ca' so Jeremías 'naaco': —¡'E', mesqai llic, mesqai saugui na caldeoipi! Qam so Irías se na'xaỹaxan, ta'ta'a quiyim coñi', ca ỹauegueu'a so na'gaxalateripi.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 6:16

Ca ma' ỹovita quiyim nqopaaqachichii, qam se re'oq nqai'ñii quiyim ỹaviguiñi na qashiigui, 'nejem dá'maq 'ne'tegue quen ná'maq chi nachaxanta qomyipi. Ma' na'maxare 'ne'tegue dajo, ma' ỹahotaque qaỹa'den quiyim nqopaaqachitetac. Ca' ỹim shinac caqamiri quiyim na'maxare shi'gue 'ue da nishiuetenaxac.

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Lucas 6:23

Ỹaatqajam 'xoic ca raỹaaguii chaqai ỹaatqajam netooñitagui ma'le queca na'xa'a, ma' ỹaatqajam lodegaxat ma'le ca nishiuetenaxaguii queda piguim. Ma' chaqaida da 'neeta so 'auaxaic leta'allipi najo qomyipi 'xoic lqa'viic quesó'maq 'auaxaic letaxaỹaxaquiripi ñi qota'a.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Hechos 16:25

Qam co'na' pe lauel, co'na' so Pablo chaqai so Silas nqouagaxainta'pe chaqai ỹo'ueensac ñi qota'olec, ca' so liỹa ncoñiitecseripi na'xaỹaxantapegalo saua'maxare.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Romanos 5:3

Chaqai mesqaidaata dajo, ma' qai'neeta ñitoonqatac quiyim 'ue da qare'xoric; ma' sa'deenaq quiyim da qare'xoric ỹo'uet ca qareualaxavic,

1 Corintios 3:8

Qam ca danaxan chaqai ca rocoraxantac caua'que qaica ỹapaguec, qam quiñi 'óna ỹacoñiguit da nishiuetenaxac da lo'ueenataxanaxac, ma' qaishiueten quiñi qota'a.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Colosenses 3:24

Ma' qamiri mashic shi'gue 'yiiñii quiyim ñi qara'gaxala' ỹaanema qamiri ma'le cá'maq ỹa'maxatetañi ỹahotaque ỹaanem ná'maq lalamaxareteripi. Ma' qamiri 'ueenataxañitacot so Cristo só'maq ỹaatqajam ra'gaxalari.

1 Tesalonicenses 2:15

Chaqaina najo judioipi ná'maq ỹalauat na'le so qara'gaxala' Jesús, 'ne'tegue so 'auaxaic leta'allipi quiyim ỹalauat so letaxaỹaxanqajanqaipi ñi qota'a. Ca' chaqaina ná'maq ỹo'derauec qomi' na'le. Ỹaatqajam se nqo'ta ñi qota'a na'maxare, chaqai se ỹaqamaxat ná'ogue na qomyipi.

Hebreos 10:34

Chaqai qamiri 'ue da re'xorenataxanaxahi quená'maq qaicoñiretari', chaqai vire'ta quiyim 'ue da netoonaxaguii quiyim na'ñaxachiiguit quiyim qarouootaxanegue ca roviñiguii, ma' qamiri 'yiiñita quiyim 'ue ca hueeta'gue da piguim roviñiguii paguec loyac chaqai sqaica lqodoc.

Hebreos 11:26

Chaqai 'ec paguec lesallaxa nqai'en quiyim 'ue da le'xoric se qaỹa'maxata'gue soualec so Cristo, sqai quiyim hueeto'ot yá'ogue yi lesallaxa yi Egipto, ma' ra'iitagui da lishiuetenaxanaxac ma'le ñi qota'a.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.

Santiago 5:10

Qamiri ỹaqaỹa', coñiỹa quiyim denaxachiichigui da le'xoric chaqai da leualaxavic so la'qaataxanqajanqaipi ñi qota'a na' qailarelec quiñi'maxare quiyim ỹa'xat da na'qaatec.

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

Rut 2:12

Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!