Mateo 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Mateo 5:11 Iomraidhean Croise

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Jeremías 37:14

Ca' so Jeremías 'naaco': —¡'E', mesqai llic, mesqai saugui na caldeoipi! Qam so Irías se na'xaỹaxan, ta'ta'a quiyim coñi', ca ỹauegueu'a so na'gaxalateripi.

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 10:39

Ca cá'maq ỹahotaque nca'laxatec dá'maq chi nachaalataxac, ca na'laxatañi. Qam cá'maq na'laxatañi da nachaalataxac soualec quiyim queeta'pegue' aỹim, ca' chaqaica cá'maq qanca'laxatec ma'le.

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 27:39

Chaqai ná'ogue ná'maq que'tegueyi ỹoviraqtetapega, ỹaxaỹaxantac na lqahic.

Marcos 13:13

Ma'le, ca ná'ogue na qomyipi se nqo'talo qamiri, sovitapigui aỹim. Qam cá'maq ỹaatqajam quelec ỹovireta'a ca chi lqodoc, ca' chaqaica cá'maq ca'laaxaic ma'le.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Marcos 4:17

Qam sqoỹoxo'ñiguilo naua lpa'yii, ca' sqoỹoxouec da lquesaxanaxa, ma' quena' novi' da le'xoric, loqo'm da nocanaxac souetapigui da na'qaatec, ca' qoshiiuec.

Marcos 8:35

Ma' cá'maq ỹahotaque quiyim nca'laxatec da chi nachaalataxac, ca na'laxatañi; qam cá'maq na'laxatañi da nachaalataxac, soualec aỹim chaqai soualec da na'qaatec, ca nca'leuec ma'le ca'maxare.

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Lucas 21:17

Chaqai ná'ogue na qom hueetalec na 'laua noquii'alo qamiri, sovitapigui aỹim.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Lucas 9:24

Ma' ca nishiitaque nca'laxatec da nachaalataxac, ca na'laxatañi. Qam ca na'laañi da nachaalataxac soualec aỹim, ca chaqaica ca nca'laxatec da nachaalataxac.

Juan 15:21

Dá'ogue dajo qohine'teguelo ma'le qamiri, sauaxat aỹim, ma' se qaiuanapega ñí'maq yila'.

Juan 9:28

Ca co'na'le, ca chi qai'naari' so'maxare, qohinaco': —Qami' qui'sa'pegue' sojo ỹale, qam qomi' qolqata'pegue' so Moisés.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

Romanos 8:36

Ma' chaqaida dá'maq 'nerac naua naneresañi na'qaatqa, 'neracsa': Sasouqalec qami' quiyim naua'que naua na'xata' qaillitoxolec da qarelauaxa; qohinta'que qomi' ana qagretaipi qaỹauequeta'a ca nalauatqa'.

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

2 Corintios 4:11

Ma' qomi' quiyim ñaq qarca'leetauec, qam naua'que naua na'xata' qariỹaategueñi da lichic quiyim 'ue ca qaralauat sauaxat so Jesús, qaiyi re'oq qai'neeta da nachaalataxac so Jesús quena qaroshicmaxa, ma' na'maxare 'ue ca lqodoc.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

Apocalipsis 2:3

Ỹaatqajam 'ue da reualaxaviqui', chaqai 'xoic da re'xoriqui', chaqai 'xoic da ro'ueenataxanaxaqui' caỹim, qam se rco'chirec.