Mateo 5:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ỹaatqajam chalego la'maxa quecá'maq 'ue da nocanaxac, souetapigui quiyim ỹo'ueetetac dá'maq ỹahotaque ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 5:10 Iomraidhean Croise

Mateo 10:23

Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Mateo 19:14

Qam so Jesús 'naaco': —'Xañiỹac na ñaaqaipioqui' ñaqai nacpegue' aỹim. Se quepaqchita'piguit. Ma' ná'maq hueetagui dá'maq lo'ueenataxanaxac ñí'maq neeta'gue da piguim, neneequesenaxai, 'nejem ná'maq 'neetari' na ñaaqaipioqui'.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 5:3

—Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Marcos 10:14

Ca co'na' so Jesús iuanchigui dajo, ca' ro'o. Ca 'naaco' quesaua'maxare: —Ñaqai 'xañiỹac na ñaaqaipioqui' ñaqa nacpegue' aỹim, sqai quepaqchita'piguit, ma' da lo'ueenataxanaxac ñi qota'olec quená'maq hueetagui, chaqaina ná'maq neneequesenaxai 'neetari' meca noctoqui'.

Marcos 10:30

ca' icoñiguit ma'le quenajo 'laua paguec cien liỹa ca la'aateripi, lqaỹaripi ỹalliripi chaqai 'aallipi, late'ellipi, llaalqaipi, chaqai na'lauaripi, 'eno'm 'ue da nocanaxac. Chaqai quecá'maq 'laua ñaqa naata qai'neeta icoñiguit ma'le da nca'laxa sqaica lqodoc.

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Lucas 22:29

Vichiguiño' saanema qamiri ca ro'ueenataxanaxaguii quiyim 'viiquiñitac ná'ogue najo, 'nejem ñi qota'a ỹaanem aỹim da ỹo'ueenataxanaxac,

Lucas 6:20

Ca' so Jesús ỹamataugui so lapaxaguinatqaipi, ca' 'naaco': —Ỹaatqajam ra'maxaichiguiñi qamiri ma' qamiri 'xoraiquipi, ma' ralamaxarichii da lo'ueenataxanaxac ñi qota'olec.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Hechos 5:40

Ca sá'ogue so qomyipi chaqaida nqai'en da la'qaatec so Gamaliel. Ca qaroỹaxane'ogalo saua Jesús lelaatqa, ca qaỹouaxane', ca' qaỹaqatalo quiyim tot liỹa ỹa'xate' da leenaxat so Jesús. Ime, ca' qoỹaxandec.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

Filipenses 1:28

qaiyi se rqo'ỹoqochichii ná'maq pa'guenta'pe qamiri. Ca' dajo, ca' ỹaatqajam re'qoota quiyim na'maxare tai'a quiyim na'laañi, qam qai'neeta ichoxot dá'maq rca'laxahi. Qam dajo chicqo'ot ñi qota'a.

2 Timoteo 2:12

quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.

2 Timoteo 3:11

queda ñocanaxac chaqai da i'xoric. Chaqai mashic 'yiiñite' dá'ogue dá'maq qohine'tegue aỹim na' senta'ñi yi Antioquía, Iconio chaqai Listra, chaqai da i'xoric quenaua ñocanaxaco. Qam ñi qara'gaxala' nca'laxatec aỹim quená'ogue.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Santiago 5:11

Ma' qomi' sa'deenqata quiyim ỹaatqajam chalego la'maxa queca qom, ma' ca'laxatauec ca ne'guenaxac. Qamiri mashic 'xahitapega da 'neeto' da leualaxavic so Job, chaqai mashic 'yiiñii dá'maq 'ne'teco' ñi qara'gaxala' queso'maxare co'na' ca'laxatauec da ne'guenaxac, ma' ñi'maxare ỹaatqajam huagaxaraic chaqai 'xorenataxanaxai.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.