Mateo 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' so Jesús iuane'ta sá'ogue so qomyipi, ca taashi'megue ada qa' ladocai. Ca' nqa'xanñi, ca so lapaxaguinatqaipi lapoỹau'a so'maxare.

Mateo 5:1 Iomraidhean Croise

Mateo 13:2

Ca na' ỹaatqajam 'xoic so qomyipi lapoỹau'a yí'maq hueete'e so Jesús. Ca so'maxare renojñigui aso qom lahi' huaxaỹaqse, ca sá'ogue so qomyipi no'ueeno'ot yi lqodoc so huaxaỹaq.

Mateo 15:29

Ca' so Jesús ca'e yí'maq hueete'e, ca' queeto'ot na lahi aso latogot late'ogue' quiyi Galilea. Co'na' ime, ca taashi'megue aso quemaralec ladocai. Ca na' ỹovijshiguim, ca' nqa'xanñi quiyi'maxare.

Mateo 4:25

Ca ỹaatqajam 'xoic na qom quegue so Jesús, chicqa'ñi yi Galilea, chaqai yaua diez na'aate' qaỹamata'que Decápolis, chaqai yi Jerusalén, chaqai quiyi 'laua Judea, chaqai yi pa'a'gue da lqodoigue caso lachiugue Jordán.

Mateo 5:2

Ca' so Jesús ỹapaxaguintac so qomyipi, 'naac:

Marcos 3:13

Ca co'na' ime dajo, ca so Jesús taashi'megue aso quemaralec ladocai. Ca roỹaxanalo' sauá'maq nqo'teu'alo so'maxare, ca saua'maxare querepegue' so'maxare.

Marcos 3:20

Ca lotqai liỹa lapoỹaho so 'xoic qomyipi, vire'ta ca' se ỹa'maxañi quiyim qui'ỹe'.

Marcos 4:1

So Jesús liỹa rapaxaguinataxan queda lahi aso latogot late'ogue', ca 'xoic so qomyipi lapoỹau'a yí'maq hueete'e so'maxare. Qam mashic paguec 'xoic, ca' so Jesús renojñigui aso qom lahi' huaxaỹaqse, ca' nqa'xanñi, ca' so qomyipi no'ueeno'ot so lemanaxa.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 6:17

Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 6:20

Ca' so Jesús ỹamataugui so lapaxaguinatqaipi, ca' 'naaco': —Ỹaatqajam ra'maxaichiguiñi qamiri ma' qamiri 'xoraiquipi, ma' ralamaxarichii da lo'ueenataxanaxac ñi qota'olec.

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Juan 6:15

Qam so Jesús co'na' retan quiyim qaỹahotaque quiyim qaỹaconeu'a, qaỹahotaque quiyim nashi, ca so'maxare lotqai ca'e so qomyipi, ca taashi'megue aso quemaralec ladocai, ma' ỹahotaque qaisoota nodaatec.