Mateo 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca 'naapego': —No'm ỹaatqajam qami' llaalec ñi qota'a, ca' quenajo, ca' renochirauec. Ma' yi naneretañi na'qaatec 'naacsa': Ñi qota'a nela' ma'le na lelaatqaipi piguim laseripi, quiyim netela'a qami'. Illiitalgoto qami' naua laua' caua'maxare, qaiyi qaica ca roqopia'guita naua richilli' quena qa'.

Mateo 4:6 Iomraidhean Croise

Job 1:10

Ma' qami' qaica ca ỹoviro'ot nqai'ñi'; 'ootaxañiseguelec ñi'maxare chaqai na llaalqaipi. Ca' qaica ca ỹovira'a, chaqai no'ueenaxachi' ná'ogue ná'maq ỹo'uet. Chaqai ñi'maxare paguec nesallaxanec nqai'ñi' quena lalo quená'ogue na 'laua.

Mateo 4:4

Qam so Jesús 'naaco': —Yi 'auaxaic naneretañi na'qaatec 'naacsa': “Mesqaicaata ca pan ỹouen da nachaalataxac ca qom, ma' qai'neeta ỹouen ná'ogue ná'maq la'qaatec ñi qota'olec.”

2 Corintios 11:14

Qam quedajo qaica ca qara'laaque, ma' so na'ỹaapec qai'neeta no'viichigui ca no'ueenataxac ca 'ec lelaatec ñi qota'a chicqashiguim, 'ue na lauaq.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.