Mateo 4:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca ỹaatqajam 'xoic na qom quegue so Jesús, chicqa'ñi yi Galilea, chaqai yaua diez na'aate' qaỹamata'que Decápolis, chaqai yi Jerusalén, chaqai quiyi 'laua Judea, chaqai yi pa'a'gue da lqodoigue caso lachiugue Jordán.

Mateo 4:25 Iomraidhean Croise

Mateo 12:15

Ca co'na' ỹa'den dajo so Jesús, ca' ca'e yí'maq hueete'e. Ca 'xoic so qomyipi coỹare'tegue, ca so Jesús ỹomatec ná'ogue na ralolaxaiquipi.

Mateo 19:2

Ca' ỹaatqajam 'xoic so qomyipi quegue so'maxare, chaqai ỹomatec sá'ogue so ralolaxaiquipi.

Mateo 4:15

Ỹaatqajam qami' lalamaxaret na'laua na llaalqaipi so Zabulón chaqai na llaalqaipi so Neftalí, chaqai so nayic que'tot aso huaaxai pa'a'gue da lqodoigue caso lachiugue Jordán, Galilea, yí'maq na'ñi na mesqai judioipi.

Mateo 5:1

Ca co'na' so Jesús iuane'ta sá'ogue so qomyipi, ca taashi'megue ada qa' ladocai. Ca' nqa'xanñi, ca so lapaxaguinatqaipi lapoỹau'a so'maxare.

Mateo 8:1

Ca co'na' renotec so Jesús chicqotashi'megue ada quemaralec ladocai, ca qaicoỹare'tegue queso 'xoic qomyipi.

Marcos 5:20

Ca só'maq ỹale eec ra'qaataxantapougui yi na'aateripi quiyá'ogue yi Decápolis dá'ogue dá'maq 'ne'teco' na'le so Jesús queso'maxare. Ca sá'ogue 'xoic da le'laxa.

Marcos 6:2

Ca co'na' ỹovire'oga so co'mataxaqui na'xa'a, ca rapaxaguinataxan caso lapoxoqui na judioipi. Ca' ỹaatqajam 'xoic so qomyipi quesó'maq na'xaỹaxantac 'xoic da le'laxa. Ca 'naaco' quen: —¿Negue' cá'maq ỹachigoxota'gue dá'ogue dá'maq la'deenaxanaxa da ỹale? ¿Nega'ỹo' dá'maq na'deenaxanaxa qoỹaanem, chaqai ná'maq ỹo'ueetetac se qaiuanapega?

Marcos 7:31

Ca so Jesús lotqai ca'e yi 'laua Tiro, ca quejlec yi Sidón chaqai na na'aateripi quiyi 'laua Decápolis, chi ỹoviretaqso'ma aso latogot late'ogue' quiyi Galilea.

Lucas 6:17

Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 6:19

Ca ná'ogue na qomyipi ỹahotaque quiyim qaipootau'a queso Jesús, ma' so'maxare ỹomatec ná'ogue, ỹahote'e da lquesaxanaxa.