Mateo 4:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 4:24 Iomraidhean Croise

1 Reyes 10:1

Ca' aso lashi ná'maq na'ñi yi Sabá co'na' 'xaiguelec da lichoxoric ỹovirau'a so Salomón, qaiyi qaimaqachin ñi qara'gaxala', ca' taigue da Jerusalén, ma' ỹahotaque i'guen, ca' ỹa'vii naua lenataxanaxaco 'xoic da lqalaigue'. Ca ỹaatqajam 'xoic da lemaqachic na' novi'. Chaqai ana lalo nauaanaxanaxa late'e 'xoic nqai'en na li'ỹaac quena coraxat lo'daxaraic lahita, chaqai 'xoic na li'ỹaac 'oro chaqai na qa' qashilgaxaraic. Ca co'na' ỹovira'a so Salomón, ca chaqa'ma' inat quená'ogue ná'maq hueetapigui lauel.

1 Reyes 4:31

Ca' so'maxare ỹaatqajam 'deenaxanqachaqaic, ỹaatqajam qaica ca 'nejem quena liỹaripi ỹalliripi. Da la'deenec napacalec so 'deenaxanqachaqaic ỹale leenaxat Etán só'maq llaalec so Zera, chaqai so Hemán, Calcol, Darda, sauá'maq llaalqa so Mahol. Ca' da lichoxoric ỹovira'ogalo naua sqoỹore'ogalo 'lauari.

Mateo 12:22

Co'na'le, ca' qaỹauega'a so Jesús so ỹale 'ue so le'ec lecmaxaic, se neuanñi chaqai se retaqa. Qam so Jesús ỹomatec. Ca' so ỹale lotqai neuanñi chaqai 'vii naua la'qaatqa nqai'en.

Mateo 14:1

Ca' quesauajo na'xata', ca so nashi Herodes só'maq reloqota'a yi Galilea, ca so'maxare 'uo' da la'xaỹaxac quedá'maq ỹo'ueetetac so Jesús.

Mateo 15:22

Ca' aso 'aalo lase yi Canaán neetalec yijo 'laua, so'maxare ỹaualqata'guit nacpegue' so Jesús, 'naaco': —¡Qami' ỹa'gaxala', qami' llaalec so nashi David, yi'xoriñi'! Ma' ayi ỹaale 'ue ñi le'ec lecmaxaic, ca' chalego da le'xoric nqai'en.

Mateo 17:15

—Qami' ỹa'gaxala', 'xoriñi' da ỹaalec. Ma' da'maxare chalego da le'xoric chita'gue quen lotqai ileueta. Chaqai 'xoic taañigui quen na norec chaqai na huaxaỹaq.

Mateo 17:18

Co'na'le, ca' so Jesús nelaxa, ỹo'daauec so ne'ec lecmaxaic, ca' eec ca'e nqai'en so ne'nec. Ca chaqa'ma' imeuec so'maxare.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 8:28

Ca co'na' ỹovijta so Jesús caso latogot late'ogue', na' ỹovijta'a yi 'laua Gadara. Ca' qaỹanaqta'guit quesaua dos ỹale', saua'que 'ue na le'gue' lecmaxaic chicqotera'a yi napalyipi. Ca nqo'nero queso'maxare. Chalego lichigue', vire'ta quiyim qaica ca ishit que'tegue yi'maxare queso nayic.

Mateo 8:33

Ca só'maq neloxoỹaripi caso cos 'eet, no'chi. Ca co'na' ỹoviro quiyi na'a', ca ra'qaataxane' quedá'maq 'neeto' na'le dajo chaqai quesauá'maq ỹale' 'uo' so le'gue' lecmaxaiquipi.

Mateo 8:6

'naac: —Qami' ỹa'gaxala', yi ilaatec hueeta'ñi yi ỹa'a', hueetalec yi lomala', se ra'ñiigue, ỹaatqajam 'xoic da le'xoric, paguelec na nqui'ic.

Mateo 9:26

Ca quiyá'ogue yi 'laua qana'xachigui dá'maq 'neeto' na'le dajo.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Marcos 1:28

Ca' ñaqai chita'gue, ca chaqa'ma' qaỹa'den so Jesús quiyá'ogue yi 'laua Galilea.

Marcos 1:32

Ca co'na' inoxonñi aso ra'aasa, mashic sham napalñi, ca qanodou'a so Jesús ná'ogue na ralolaxaiquipi chaqai ná'maq 'ue na le'ec lecmaxaic.

Marcos 2:3

Ca qanodou'a yi hueeta'ñi so Jesús so ỹale se ra'ñiigue, qane'xateta so'maxare quesaua cuatro ỹale'.

Marcos 2:4

Qam ma' saua'maxare se ishite' ỹovirera'a so Jesús, ma' ỹapaguelec so qomyipi. Ca saua'maxare naqate' so lahi na lelaq so 'imec quiyí'maq naloochi'ña so'maxare. Ca quesó'maq nauaatec, ca quiichi'ñigui nqohin só'maq ralolaxaic hueetalec so lacanec.

Marcos 2:9

¿Negue' ca paguec se qalaq quiyim qohinac queca ralolaxaic: “Qaỹapalaxate' caua rasauaxashichichi'”, loqo'm qohinapega: “Ne'laxachirishiguim, nañireta' na qacanqui', ca' qui'”?

Lucas 2:2

Qam sojo 'avichiguiñi neraxanaxac viichigui so na'xa'a co'na' ñaq reloqota'a yi 'laua Siria so nashi Cirenio.

Lucas 4:14

Ca' so Jesús ỹaatqajam no'qaachigui queda lquesaxanaxa so Espíritu Santo co'na' pilegue da Galilea. Ca chaqa'ma' eec quiyim qana'xatetapigui so'maxare quenaua'que naua lahil yi 'laua.

Lucas 4:38

Co'na' so Jesús ca'e aso napoxoqui, ca' quepegue' so la'a' so Simón. Ca' aso ni'ỹoqoro so Simón ralolaxai, ỹaatqajam 'xoic na lpa'ỹaaxa. Ca' qane'xoresene'tot so'maxare quiyim ỹomatec aso'maxare.

Lucas 5:15

Qam da lichoxoric so Jesús ỹaatqajam noquiiquetauec, ca' ỹaatqajam 'xoic na qomyipi quepegue', ma' ỹahotaque quiyim na'xaỹaxana, chaqai ỹahotaque quiyim ỹomatec so'maxare na ralolaxa.

Lucas 5:24

Qalaxam nagui nachaxanalo qamiri najo ỹale llaalec quiyim ỹaatqajam 'ue da lquesaxanaxa quena 'laua quiyim ỹapalaxat na nasauaxaseteripi. Ca' 'naapega so ỹale se ra'ñiigue, 'naaco': —Nagui shiñirapegaxaua', ñirishiguim, nañireta' na qacanqui'. Ime, ca' qui', quirepegue' ca ra'aachi'.

Lucas 7:17

Ca' sá'ogue qaỹa'den da ỹo'uet so Jesús quenaua'que naua lahil yi 'laua Judea.

Juan 10:21

Qam 'uo' quen na liỹa 'naac: —Qaica ca qom quiyim neetagui ca chicqo'ot so na'ỹaapec 'nejem dajo da ỹa'xat. Ca ¿peeta'a ca chicqo'ot so na'ỹaapec ishito' quiyim nauanñi nqai'en ca qai'laq?

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 15:23

Ca' chaqaisaua saua i'xate' nqohin aso lere. 'Ne'tegueyi da hueetalec: “Qomi' lelaatqa so Jesús chaqai naua na'gaxalate' chaqai ná'ogue ná'maq mashic ỹacoñiguit da na'qaatec, qariquinaxanaxac queca qarqaỹaripi mesqai judioipi neeta'ñi yi Antioquía, chaqai yi 'laua leenaxat Siria, chaqai qai'neeta yi Cilicia.

Hechos 15:41

Ca' queetetegue yi Siria chaqai yi Cilicia, queesagui ana no'ueenaxanaxaquiripi, ỹa'ñaxatesac na nqaỹaripi.

Hechos 28:9

Ca' quedajo, ca nanagata' qai'neeta so liỹa ralolaxaiquipi quesó'maq na'ñi ada delec, ca qai'neeta sá'ogue imeuec.

Hechos 8:7

Ma' 'xoico' so qomyipi 'uo' na le'ec lecmaxaic, qam imeuec. Chaqai co'quena' inoxonec na ne'ec lecmaxaic, ca ỹaualqatagui. Chaqai 'xoic na se ra'ñiigue chaqai na 'iraiquipi qai'neeta imeuec.