Mateo 4:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 4:23 Iomraidhean Croise

Salmos 103:3

Chaqaiñi ñí'maq sqai caapeguem ná'ogue na se no'uen so'ueetetac, ñí'maq ỹomaterec naua'que naua i'neete',

Salmos 74:8

Ỹahotaque nopoxoỹaxajñi qomá'ogue; ¡qaicopata'alo naua na'aate' quena 'laua, quenauá'maq qalapooqote' quena' ñqouagaxainqot qami'!

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 12:9

Ca co'na' so Jesús ca'e yi'maxare, ca' inoxonougui añi lapoxoqui na judioipi.

Mateo 13:19

Ná'maq na'xaỹaxana dá'maq na'qaataxac da lo'ueenataxanaxac ñi qota'a neeta'gue da piguim, qam se ỹa'den, ca 'nejem acá'maq la taachi'ñigui ca nayic. Ca' anac so na'ỹaapec, ca rouootaxana'gue só'maq hueetagui añi le'taxanata.

Mateo 13:54

Ca chi ỹovireta'a yí'maq lalamaxaret la'a'. Ca' quiyi, ca taañi rapaxaguinataxan cana lapoxoqui na judioipi na'ñi yi'maxare. Ca' na qomyipi 'xoic da le'laxa, ca 'naaco' quen: —¿Nega'ỹo' cá'maq ỹachigoxota'gue ná'maq la'deenec dajo ỹale? ¿Negue' cá'maq 'neeto' quiyim ishit ỹo'uet na netanqaipi se qaiuanapega?

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Marcos 1:14

Ca co'na' mashic qaicoñi' so Juan, ca' so Jesús taigue da Galilea. Ca' ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo.

Marcos 1:21

Ca co'na' ỹovirera'a yi na'a' Capernaum, ca' queso na'xa'a co'mataxaqui, ca' so Jesús inoxonougui añi lapoxoqui na judioipi, ca' rapaxaguinataxan.

Marcos 1:39

Ca' so Jesús ỹouoxontac yá'ogue yi Galilea, rapaxaguinataxantac cana lapoxoqui na judioipi, chaqai ỹo'daauec qai'neeta na ne'ec lecmaxaic quena qomyipi.

Marcos 3:10

Ma' mashic ỹapaguelec ná'maq ỹomatec so'maxare, ma' ná'ogue ná'maq ralolaxaiquipi nqa'paxana'a, ma' ỹahotaque quiyim ipootau'a so'maxare.

Marcos 6:2

Ca co'na' ỹovire'oga so co'mataxaqui na'xa'a, ca rapaxaguinataxan caso lapoxoqui na judioipi. Ca' ỹaatqajam 'xoic so qomyipi quesó'maq na'xaỹaxantac 'xoic da le'laxa. Ca 'naaco' quen: —¿Negue' cá'maq ỹachigoxota'gue dá'ogue dá'maq la'deenaxanaxa da ỹale? ¿Nega'ỹo' dá'maq na'deenaxanaxa qoỹaanem, chaqai ná'maq ỹo'ueetetac se qaiuanapega?

Marcos 6:6

Ca so Jesús 'uo' da le'laxa, ma' se qoyiuelec. Co'na'le, ca eec, ca' queetaguilo naua na'aaterolqai', ca rapaxaguinataxantac.

Lucas 10:9

Ca machiuec ná'ogue na ralolaxaic quená'maq hueeta'anyi. Chaqai 'ñiỹapega quiyim: “Da lo'ueenataxanaxac ñi qota'a quiyim ỹoiquentac ná'ogue najo, mashic nepalata'alo qamiri.”

Lucas 13:10

Ca 'uo' so na'xa'a co'mataxaqui, ca' so Jesús rapaxaguinataxantac, hueetaugui aso lapoxoqui na judioipi.

Lucas 16:16

Na naqataxaquipi chicqo'ot na'le so Moisés chaqai da lapaxaguinataxanaxac na la'qaataxanqajanqaipi ñi qota'a ñaqa 'uo' na' novi' so Juan. Ca' quiyi, ca qaỹa'xat da lo'ueenataxanaxac ñi qota'a quiyim ỹoiquentac ná'ogue najo, ca ná'ogue na qomyipi ỹaatqajam 'xoic da leuogoxo, ỹahotaque quiyim inoxoneu'a da'maxare.

Lucas 20:1

Ca' 'uo' so na'xa'a co'na' so Jesús hueetaugui aso no'ueenaxanaxaqui late'ogue' quiyi Jerusalén, rapaxaguinataxantac queso qomyipi, chaqai ỹa'xatetac da na'qaatec chicqaugui da nca'laxa. Ca novirero sauá'maq la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi chaqai so qo'xoiquipi.

Lucas 4:14

Ca' so Jesús ỹaatqajam no'qaachigui queda lquesaxanaxa so Espíritu Santo co'na' pilegue da Galilea. Ca chaqa'ma' eec quiyim qana'xatetapigui so'maxare quenaua'que naua lahil yi 'laua.

Lucas 5:17

Ca 'uo' so na'xa'a so Jesús rapaxaguinataxantac, ca 'uo' na ỹalequetaho, nqa'xantañi, ná'maq ỹalequetaugui na fariseoipi, chaqai ná'maq rapaxaguinataxanta'pegue na naqataxaquipi, novi', chicqa'ogalo naua na'aate' quiyi Galilea chaqai yi Judea chaqai Jerusalén. Ca' da lquesaxanaxa ñi qota'olec re'oq queso'maxare quena' ỹomatec na ralolaxaiquipi.

Lucas 6:17

Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 6:6

Ca' queso liỹa na'xa'a co'mataxaqui, ca' so Jesús lotqai inoxonougui só'maq lapoxoqui na judioipi, ca' rapaxaguinataxantac. Ca' ỹalequetaho' so ỹale mashic rashivita da lqai'laxat loic.

Lucas 7:21

Ca co'na' chi ỹovirero saua'maxare, ca so Jesús 'xoico' so qomyipi ỹomatec ỹoreta'oguit na ralolaxa, chaqai ỹo'daauec ná'maq le'ec lecmaxaic, chaqai 'xoic na nauanñi nqai'en quena qai'laqaipi.

Lucas 7:22

Ca' so Jesús 'naaco': —Pilliho' ma'le, ca 'ñiỹapego' ca Juan quená'maq huañiichigui chaqai ná'maq 'xahichigui. Chaqai 'qaataxañim quiyim mashic nauanñi na qai'laqaipi, chaqai ná'maq ni'iraho naua lichil lotqai co'viiñi, chaqai ná'maq rishiita na loshicmaxa lotqai qaiquiỹouec na ralolaxa, chaqai na ra'ñaagui na lqahic lotqai 'qaa, chaqai ná'maq mashic tot qaica lotqai liỹa nca'leuec, chaqai ná'maq 'xoraiquipi mashic qaỹa'xatem da na'qaatec chicqaugui da nca'laxa.

Lucas 8:1

Ca co'na' mashic shi'gom dajo, ca' so Jesús 'xoic na queetagui na'aateripi chaqai na qoỹoqote'ogalo na'aate', ra'qaataxantac, ỹa'xatetac quiyim ñi qota'olec ỹoiquentac ná'ogue najo. Nauequetecto saua doce lapaxaguinatqa.

Lucas 9:11

Qam co'na' qaỹa'den dajo queso qomyipi, ca co'uaataxan. Ca' so Jesús ỹacoñi'chiguit sá'ogue, ca ra'qaataxantapeguem queda 'neeta ñi qota'olec chaqaiñi ỹoiquentac ná'ogue najo, chaqai ỹomatec so ralolaxaiquipi.

Lucas 9:60

Ca' so Jesús 'naaco': —Ñaqa 'xañirac ná'maq 'ec leuaxaiquipi ñaq ishinñi na lasouaxanqaipi. Qam qami' qui', 'xachi' quiyim ñi qota'olec ỹoiquentac ná'ogue najo.

Juan 18:20

Ca' so Jesús 'naaco': —Aỹim ỹaatqajam ñachaxanta quená'ogue na qomyipi quena' setaqa, ca chaqai shintari' quena' sapaxaguinataxan cana lapoxoqui na judioipi chaqai cañi no'ueenaxanaxaqui quena Jerusalén, ñí'maq lapoxoqui ná'ogue na judioipi. Ca' ỹim qaica quet cá'maq ỹa'qaatec soxotetañi.

Juan 6:59

Dajo rapaxaguinataxanegue so Jesús na' hueetaugui añi lapoxoqui na judioipi quiyi Capernaum.

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 18:4

Qam so Pablo co'quena' ỹovire'oga yi na'xa'a co'mataxaqui, lotqai eec, quepegue' aca lapoxoqui na judioipi. Ca hua'ñi, ca ra'qaataxantapeguem na judioipi chaqai na sqai judío, ca' icoñiguit nqai'en da na'qaatec.

Hechos 20:25

Ca' nagui, ca ỹaatqajam se'taxachichiguiñi quiyim tot qaica ca iuañiua', quená'maq shi'gue sapaxaguinta'pegue da lo'ueenataxanaxac ñi qota'a ma' ỹoiquentac ná'ogue najo.

Hechos 28:31

Ca ỹa'xatetac da lo'ueenataxanaxac ñi qota'a ma' ỹoiquentac ná'ogue najo, chaqai rapaxaguinataxanta'pegue so qara'gaxala' Jesucristo. Qam qaica ca quepaxat.

Romanos 10:15

¿Negue' quet cá'maq 'neeta quiyim ỹa'xat quet da na'qaatec, no'm se qaila'? Ma' dá'maq 'nerac naua naneresañi la'qaatqa ñi qota'a: “¡Ỹaatqajam lo'yaxanec da loviraxac ná'maq ỹodootegueri' da na'qaatec chicqaugui da na'maxa, chaqai cá'maq ỹa'xatetac da no'uen na'qaatec!”