Mateo 4:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so'maxare se que'e ỹoviraqterauec saua cuarenta na'xata' chaqai saua cuarenta piri. Ca co'na' ime'ueque sauajo na'xata', ca' nauata'guit so lqopaaxa.

Mateo 4:2 Iomraidhean Croise

1 Reyes 19:8

Ca' so Elías ne'laxashiguim, ca' que'e chaqai ne'et. Ca' sojo loq ỹa'ue da lquesaxanaxa quiyim liỹa eec cuarenta na'xata' chaqai cuarenta piri, chi ỹovireta'a da Horeb dá'maq qota'olec nquemaralec qa' ladocai.

Éxodo 24:18

Ca' so Moisés inoxonougui so naueguelec, ca quishiguim cada qa' ladocai. Ca' hueetaugui quesaua cuarenta na'xata' chaqai saua cuarenta piri.

Éxodo 34:28

Ca' so Moisés na'anyi neeto'ot ñi qara'gaxala', ỹovirerauec nqai'ne' saua cuarenta na'xata' chaqai saua cuarenta piri, se que'e chaqai se ne'et. Ca' quiyi, ca ỹirelgoto saua qari dauá'maq na'qaatqa queda 'maqataxac loqo'm daua diez nelaataxanaxaco.

Mateo 21:18

Ca co'na' nete'etam queso liỹa na'xa'a, co'na' liỹa pila'a yi na'a' lodegaxat, ca so Jesús nauata'guito' so lqopaaxa.

Mateo 25:35

Ma' na' yqopat, ca' qamiri vii ca noq; yalauat ca ỹaquip, ca' yi'taxañii; so'meetegueri', qam vii ca ilaqsoqo'.

Mateo 25:42

Ma' na' yqopat, ca' qamiri sqa vii na'le ca noq; chaqai na' yalauat ca ỹaquip, qam se yi'taxañii;

Marcos 11:12

Ca co'na' queso liỹa na'xa'a co'na' inoxondec quiyi Betania, ca so Jesús 'uo' na lqopaaxa.

Lucas 4:2

Hua'ñiyi, ca hueetalec cuarenta na'xata', ca qanovita queso na'ỹaapec, ca qai'guen. Qam ỹaatqajam qaica ca ỹa'ic so'maxare quesaua na'xata'. Ca co'na' ime, ca nauata'guit na lqopaaxa.

Juan 4:6

Ca na'ño' aso ni'llivioxoqui qohinac li'ỹa so Jacob. Qam so Jesús mashic isot queda louoxoc, ca nqa'xanlco' so lap aso ni'ỹa, ma' mashic 'uo' ca na'xa'a lavinñi.

Deuteronomio 18:18

Ca' ỹim so'uet ma'le ca itaxaỹaxaqui sachigoxotetougui najo qomyipi 'nejem qami'. Ca'maxare chi lauo' le'ec na'maxare. Ca ca'maxare 'naapega ma'le quedá'maq selarelec quiyim ỹa'xat, ca lotqai liỹa pilalec ỹa'xat dá'maq selarelec.