Mateo 4:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Jesús 'naaco' quesaua'maxare: —Naguigue aỹim, ca' ỹim so'uet quiyim qamiri noqoinaxana' ma'le quena qom.

Mateo 4:19 Iomraidhean Croise

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Mateo 4:18

Ca' so Jesús ỹouootegueri', queeto'ot na lahi aso latogot late'ogue' quiyi Galilea. Ca co'na' iuane'talo saua dos nqaỹa', so 'óna dos leenqate' Simón Pedro, ca' so liỹa leenaxat Andrés. Saua'maxare inaqasegueñi so laleguegue', ma' qoinaxanaxaqa saua'maxare quena nallin.

Mateo 4:20

Ca chaqa'ma' ỹaxanerec so laleguegue', ca' quetegue so'maxare.

Mateo 8:22

Ca so Jesús 'naaco' queso'maxare: —Naquitegue aỹim, 'xañirac ná'maq 'ec leuaxaiquipi ñaq ishinñi na lasauaxanqaipi.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Marcos 2:14

Ca co'na' eec, ca iuane'ta so Leví só'maq llaalec so Alfeo. Nqa'xantañi quiyi nishiuetenaxanqa' quena qomyipi quena' qaishiueten so nashi quiyi Roma. Ca 'naapego': —Quitegue aỹim. Ca' so Leví ne'laxashiguim, ca' quegue.

Lucas 5:27

Ca co'na' ime dajo, ca' so Jesús inoxonec, ca iuanejlec so ỹaconta'piguit ana nishiuete so nashi quiyi Roma. So'maxare leenaxat Leví, ca' nqa'xantañi, neeta'ñi yi lishiuetenaxanqa' ná'maq rishiuetenaxantac. Ca' 'naapego', 'naaco': —Naquitegue aỹim.

Lucas 9:59

So Jesús ca lotqai 'naapega so liỹa: —Quitegue aỹim. Qam so'maxare 'naaco': —Qami' ỹa'gaxala', ñaq yayaxañirac ñaqa 'au seshinñi yi ita'a.

Juan 1:43

Ca' queso liỹa na'xa'a so Jesús ỹahotaque quiyim taigue da 'laua Galilea. Ca iuanejlec so Felipe, ca 'naapego': —Quitegue aỹim.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 21:22

Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

2 Corintios 12:16

Qam quiyim 'ue ca ỹa'deena'a quiyim qaica ca so'taxatetac caqamiri, ca qai'neeta 'naac quiyim chi ico'ỹaxaric quiyim sahotaque sayine' qamiri.