Mateo 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Mateo 4:13 Iomraidhean Croise

Mateo 11:23

Chaqai qami' na'a' Capernaum, ¿peeta'a 'ñiisapega quiyim qaiconot qami', ca vichiro'ot na piguim? Qam qarapilaxajñi qami' ma'le ca qaỹoviraqta'ña ca lapooqo' na leuaxaiquipi. Ma' quetqai queso na'a' Sodoma qaỹo'ueeto' na'le dá'maq se qaiuanapega qaỹo'uet caqamiri, sojo na'a' ñaqa 'ue quet nagui.

Mateo 17:24

Co'na' so Jesús chaqai saua lapaxaguinatqa ỹovirera'a yi na'a' Capernaum, ca ná'maq ỹacona'piguit ana nishiuetenaxanqate cañi no'ueenaxanaxaqui querepegue' so Pedro, ca' inate': —Ñí'maq ỹapaxaguinta'pe qamiri ¿peeta'a se ishiueten añi qaishiueten cañi no'ueenaxanaxaqui?

Mateo 4:14

Dajo 'neeto' na'le, qaiyi ipaquichigui dá'maq ỹiriño' na'le so qota'a letaxaỹaxanqajnec leenaxat Isaías, 'neetasa':

Mateo 4:15

Ỹaatqajam qami' lalamaxaret na'laua na llaalqaipi so Zabulón chaqai na llaalqaipi so Neftalí, chaqai so nayic que'tot aso huaaxai pa'a'gue da lqodoigue caso lachiugue Jordán, Galilea, yí'maq na'ñi na mesqai judioipi.

Mateo 9:1

Ca' so Jesús renojñigui aso qom lahi' huaxaỹaqse, ca taita'gue da liỹa lemanaxa aso latogot late'ogue', ca ỹovijta'a yí'maq chi lalamaxat la'a'.

Marcos 1:21

Ca co'na' ỹovirera'a yi na'a' Capernaum, ca' queso na'xa'a co'mataxaqui, ca' so Jesús inoxonougui añi lapoxoqui na judioipi, ca' rapaxaguinataxan.

Marcos 2:1

Ca co'na' ỹore'ueguelo saua na'xata', ca' so Jesús liỹa inoxonougui yi na'a' Capernaum, ca qara'xaiguelec so'maxare quiyim hueete'e ca la'a'.

Lucas 10:15

Qam qamiri ma' ñiita'ñi yi na'a' Capernaum, ¿'ñiitapega quiyim qananojshiguim qamiri, qaroviraqchi'ot na piguim? 'E', qamiri qaropilaxachiñi ma'le, ca viriỹa'ña ca lapooqo' na lqui'i na leuaxaiquipi.

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Juan 2:12

Ca co'na' ime dajo, ca' so Jesús quepegue' yi na'a' leenaxat Capernaum, liỹaatac aso late'e, chaqai saua lqaỹa', chaqai saua lapaxaguinatqa. Ca 'xoico' so na'xataripi hueesa'ñi yi'maxare.

Juan 4:46

Ca' so Jesús lotqai quepegue' yi Caná huaugui yi 'laua Galilea yí'maq hua'ño' na' ñigui lataxa nqai'en so huaxaỹaq. Ca 'uo' so ỹale lotaua so nashi, so'maxare 'uo' so llaalec ralolaxaic hueetau'a yi Capernaum.

Juan 6:17

Ca renojonyigui aso qom lahi' huaxaỹaqse, ca paquera'ta na lavinñi aso latogot, ma' ỹahosaque ỹovirereta quiyi Capernaum. Qam mashic napalñi, qam so Jesús saqa' ỹoviraxasom.

Juan 6:24

Ca co'na' ỹa'den so qomyipi quiyim sqaica so Jesús chaqai saua lapaxaguinatqa, ca só'maq qomyipi renojñiguilo saua qom lahiri huaxaỹaqse, ca taita'gue yi Capernaum idaanaque so'maxare.

Juan 6:59

Dajo rapaxaguinataxanegue so Jesús na' hueetaugui añi lapoxoqui na judioipi quiyi Capernaum.