Mateo 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Co'na' so Jesús 'ue da la'xaỹaxac quiyim so Juan qaiconlec, ca' qoỹanaugui añi ncoñiitaxanaxaqui, ca' so Jesús quepegue' yi 'laua Galilea.

Mateo 4:12 Iomraidhean Croise

Mateo 11:2

Ca' so Juan na' mashic neetaugui añi ncoñiitaxanaxaqui, ca so'maxare ỹovirau'a ỹa'den ná'ogue ná'maq ỹo'ueetetac so Cristo. Co'na'le, ca' 'vii saua ilate' nale' ra'ajnaxanta so'maxare,

Mateo 14:3

Ma' so Herodes ỹo'ueeto' quiyim qaiconlec so Juan na'le, ca' qoỹaxateta, ca qoỹanaugui aso ncoñiitaxanaxaqui. Ỹo'ueeto' dajo sauaxat aso loua Herodías, ma' louo' na'le so lqaỹa leenaxat Felipe.

Marcos 1:14

Ca co'na' mashic qaicoñi' so Juan, ca' so Jesús taigue da Galilea. Ca' ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo.

Marcos 6:17

Ma' so Herodes relaataxanlco' quiyim qaicoñi' so Juan, qaicoñira'gue na caréna, ca qoỹanaugui aca ncoñiitaxanaxaqui, sauaxat aso Herodías. Sojo Herodías louo' na'le so Felipe, chi lqaỹa so Herodes. Qam so Herodes rouootaxana'co' na'le, ca' loua.

Lucas 23:5

Qam saua'maxare ipaquera'a paguec lquesaxanaxa da ỹa'xate', 'nerac: —Ñi'maxare ỹasauaxatetecta' yá'ogue yi qomyipi na'ñi yi Judea queda lapaxaguinataxanaxac. Chicqochi'ñi yi Galilea, chaqai nagui, ca' novireta'a najo.

Lucas 3:20

Qam so Herodes se na'xaỹaxan. Ta'ta'a noquigaxatec ỹo'uet da se ỹa'maxañi co'na' coñi' so Juan, ỹanaugui aso ncoñiitaxanaxaqui.

Lucas 4:14

Ca' so Jesús ỹaatqajam no'qaachigui queda lquesaxanaxa so Espíritu Santo co'na' pilegue da Galilea. Ca chaqa'ma' eec quiyim qana'xatetapigui so'maxare quenaua'que naua lahil yi 'laua.

Lucas 4:31

Ime, ca' so Jesús quepegue' yi Capernaum yí'maq na'a' hueetaugui yi 'laua Galilea. Ca co'na' ỹovita yi'maxare, ca ỹapaxaguintac so qomyipi queso na'xa'a co'mataxaqui.

Juan 1:43

Ca' queso liỹa na'xa'a so Jesús ỹahotaque quiyim taigue da 'laua Galilea. Ca iuanejlec so Felipe, ca 'naapego': —Quitegue aỹim.

Juan 2:11

Dajo dá'maq 'avichiguiñi netanec ỹo'uet so Jesús hua'ñi yi Caná huaugui yi 'laua Galilea, na' ỹachaxan da se qaiuanapega lo'ueenataxanaxac. Ca so lapaxaguinatqaipi ỹaatqajam huejlec so'maxare.

Juan 3:24

Ca' dajo 'neeto' na'le, na' saqa' qaicoñi' so Juan.

Juan 4:43

Ca co'na' ime' saua dos na'xata', ca' so Jesús ca'e yi Samaria, ca' quepegue' yi 'laua Galilea.

Juan 4:54

Ca' 'eda da liỹa netanec se qaiuanapega ỹo'uet so Jesús na' chicqota'gue da Judea, ca taỹa'ñi yi Galilea.