Mateo 3:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'quena' 'naac quiyim ỹaxañiñi naua lasauaxasete', ca' so Juan nachilaxan caso lachiugue Jordán.

Mateo 3:6 Iomraidhean Croise

Esdras 10:1

Ca' so Esdras co'na' ñaq nqouagaxaintac, ỹaatqajam noỹenta'ueguelo naua la'qaatqa, ỹa'deesañi naua le'cootal cañi lo'ueenaxanaxaqui ñi qota'olec, ca' qoyicpegue' queso llaalqaipi so Israel, ỹalliripi, 'aallipi chaqai ñaaqaipioqui', ỹaatqajam chalego noỹenaxac lapoỹau'a so'maxare.

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Levítico 16:21

Ime, ca' ỹashil-lec na lqahic cajo isecỹac, ca' ỹa'xat ná'ogue ná'maq se no'uen ỹo'ueetetac, lpa'guenaxanaxa, chaqai na lasauaxaset so Israel llaalqaipi. Ca quiyim 'ne'tegue dajo, ca' illaalec na lqahic so quetaq loua' na nasauaxaseteripi. Ca 'ue cá'maq ỹale ỹaueguec quiyi 'laua qaica qom, ca' ỹosouec.

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Marcos 1:5

Qananacpegue' quiyim qana'xaỹaxana quená'ogue ná'maq naalec yi 'laua Judea chaqai yi na'a' lodegaxat Jerusalén. Ca co'quena' ỹa'xat na lasauaxaseteripi, ca' so Juan nachilaxan caso lachiugue leenaxat Jordán.

Lucas 1:16

Ca'maxare ỹo'uet quiyim ỹaatqajam 'xoic quena Israel llaalqaipi pila ñi qara'gaxala' qota'olec ñí'maq lashiilec.

Lucas 3:16

Qam so Juan 'naapega sá'ogue so qomyipi, 'naaco': —Aỹim llic nagui ñachilaxañiguilo qamiri na huaxaỹaq, qam 'ue na coỹaretailec, na'maxare nachilaxanguilo qamiri ma'le ca Espíritu Santo chaqai ca norec. Chaqai na'maxare paguec da lquesaxanaxa, sqai 'nejem aỹim, chaqai aỹim sqa saiguit quiyim sosoorec naua lapelate' lequeete'.

Hechos 1:5

Ỹaatqajam llic queso Juan rachilaxanataxañigui na huaxaỹaq, qam qai'neete' qamiri quenaua na'xatarolqai' qanachilaxanguilo qamiri ca Espíritu Santo.

Hechos 11:16

Ca' quiyi, ca' so'leente'te da la'qaatec so qara'gaxala' Jesús cana' 'naac: “Ỹaatqajam llic quiyim so Juan rachilaxanataxañigui na huaxaỹaq, qam qamiri qanachilaxanguilo ma'le ca Espíritu Santo.”

Hechos 19:18

Qai'neeta 'xoico' só'maq mashic icoñiguit da na'qaatec noviro, ỹa'xat dá'maq se no'uen 'au ỹo'ueetetac.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

1 Corintios 10:2

Ca' chaqaida 'neeta quiyim sá'ogue qanachilaxan ma' na'deetau'a so Moisés queso naueguelec chaqai caso huaaxai.

Colosenses 2:12

Ma' cana' qanachilaxane' qamiri, ca' riỹahita'ñi' na' qarishiñiñi so Cristo. Ca' quedajo, ca' qai'neeta riỹahitashi'me' so'maxare na' liỹa qanca'laxatec, ma' viilec da lquesaxanaxa ñi qota'a ñí'maq liỹa nca'laxatec na'le so'maxare.

Hebreos 6:2

chaqai da llicyaxac quiyim qanachilaxan ca qom, chaqai dá'maq quiyim qaỹashil-lec ná'maq mashic icoñiguit da na'qaatec, chaqai quiyim pilac qanca'laxatec na leuaxaiquipi, chaqai ma' qanimit ná'ogue najo.

Hebreos 9:10

Ma' da'maxare chaqaidaata dá'maq re'qoochigui nqui'ỹaxac, chaqai da 'taxac chaqai ná'maq ỹoreta'oguit quiỹoxoc, quená'maq chi no'ueenataxac na qaroshicmaxa. Ca' dajo ñaqa 'ue nqai 'negue, toco' ma' ñi qota'a ỹadalaxat da no'ueenataxac na'maxare.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.