Mateo 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Chicqotapegueu'a yi na'a' lodegaxat Jerusalén ná'maq nacpegue' so'maxare quiyim na'xaỹaxana, chaqai ná'ogue ná'maq neetalec yi 'laua Judea, chaqai ná'maq sqoỹoqaque caso lachiugue Jordán.

Mateo 3:5 Iomraidhean Croise

Mateo 2:1

Ca' so Jesús ne'xaỹoqsoqo' yi na'a' leenaxat Belén, huaugui yi 'laua Judea, co'na' so Herodes nashi quiyi'maxare. Ca ỹovirera'o' yi na'a' lodegaxat Jerusalén saua ỹale' chicqora'gue da lqodoigue. Saua'maxare ỹaatqajam ỹa'deene' retane' ana huaqajñi.

Mateo 4:25

Ca ỹaatqajam 'xoic na qom quegue so Jesús, chicqa'ñi yi Galilea, chaqai yaua diez na'aate' qaỹamata'que Decápolis, chaqai yi Jerusalén, chaqai quiyi 'laua Judea, chaqai yi pa'a'gue da lqodoigue caso lachiugue Jordán.

Marcos 1:5

Qananacpegue' quiyim qana'xaỹaxana quená'ogue ná'maq naalec yi 'laua Judea chaqai yi na'a' lodegaxat Jerusalén. Ca co'quena' ỹa'xat na lasauaxaseteripi, ca' so Juan nachilaxan caso lachiugue leenaxat Jordán.

Lucas 16:16

Na naqataxaquipi chicqo'ot na'le so Moisés chaqai da lapaxaguinataxanaxac na la'qaataxanqajanqaipi ñi qota'a ñaqa 'uo' na' novi' so Juan. Ca' quiyi, ca qaỹa'xat da lo'ueenataxanaxac ñi qota'a quiyim ỹoiquentac ná'ogue najo, ca ná'ogue na qomyipi ỹaatqajam 'xoic da leuogoxo, ỹahotaque quiyim inoxoneu'a da'maxare.

Lucas 3:3

Ime, ca' eec, queeta'gue ná'ogue ná'maq sqoỹoqaque caso lachiugue Jordán quiyim ra'qaataxantapeguem na qomyipi quiyim ỹalate' naua no'ueenataxaco, chaqai qanachilaxan, qaiyi qaỹapalaxate' naua lasauaxasete'.

Lucas 3:7

Ca' na qomyipi co'na' ỹovire'oga so Juan quiyim ỹahotaque qanachilaxan, ca so'maxare 'naapego' quen: —¡Qamiri nanaic llaalqaipi! ¿Nega'ỹo' ca ra'qaataxanema qamiri quiyim qaiyi qohite' qamiri queda lecaic da nouaxanaxaset najo nepalata?

Juan 3:23

So Juan qai'neeta rachilaxanataxantac hueeta'ñi yi Enón, yi'maxare sqoỹoqaque quiyi Salim, ma' 'xoic na huaxaỹaq quiyi'maxare. Ca' anac na qomyipi, ca' qanachilaxan.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.