Mateo 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca qai'pe mashic ỹa'maqatañi quiyim qaỹouaxanchi'ñoto naua lpa'yii ana qo'paq. Chaqai aná'ogue ana qo'paq quiyim se no'uen ca la, ca' qaỹouaxanlec, ime, ca' qainaxañigui ca norec.

Mateo 3:10 Iomraidhean Croise

2 Samuel 23:7

Ca' quiyim qaicona, qam qaicona ca lecat loqo'm aca na'daxanqate, ca' qainaxañigui ca norec, qaiyi ỹaatqajam ỹaviqueta. (23.8—24.25 Leenqateripi so qamaxaraic nalliripi so David. Qoỹiriñi qaiyi qaỹa'den so qomyipi quiyi Israel chaqai quiyi Judá. Ralola so qomyipi. Ca ñi qara'gaxala' quepaxat so ne'ne'.)

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

Mateo 21:19

Ca iuane'ejta'a aso higo lashi queso nayic lahi. Ca' quepegue', qam aso qo'paq qaca aca la, ta'ta'a ana laue. Ca' so Jesús 'naaco' caso higo lashi: —¡Nagui taachi'ñi quiyim tot qaica ma' 'ue quet aca la aqami'! Ca aso higo lashi chaqa'ma' ỹaso.

Mateo 7:19

Ná'ogue ana qo'paq se no'uen ana la, ca qaỹouaxanlec, ca' qainaxañigui ca norec, ca qaỹavigaxat.

Lucas 23:31

Ma' no'm qohine'tegue dajo aca ladala qo'paq, ¿huose'quet sqai paguec qohine'tegue aca qo'paq laso?

Lucas 3:9

Aca qai'pe mashic shi'gue ỹa'maqatañi quiyim qaỹouaxañi'ñot na qo'paqsat, ca' ná'ogue ana qo'paq se no'uen ana la, ana'maxare qaỹouaxanlec. Ime, ca' qainaxañigui ca norec.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Juan 15:6

Ma' cá'maq se na'deetau'a ỹim, ca' qainaxauec, ca' ỹaso, 'nejem aná'maq lasote quena' qalapoon, ca' qaỹavigaxat queca norec.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 6:8

Qam no'm quecajo 'laua ñaxat ana le chaqai ana peue, ca' qaica ca 'negue. Ca tai'a quiyim qaỹa'ue ca nouaxanaxaset quiñi qota'a, chaqai ma' ime, ca' qaỹavigaxat.