Mateo 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' mashic 'vii caua ñaxari, ca' so nachilaxanataxanaq leenaxat Juan nacpegue' yi 'laua qaica qom quiyi Judea, ỹa'xatetac da na'qaatec.

Mateo 3:1 Iomraidhean Croise

Mateo 11:11

Ỹaatqajam llic da shinac caqamiri quiyim quená'ogue na qom quená'maq vire'ta nagui nca'leetauec, qaica ca paguec lecaic quesó'maq nachilaxanataxanaq leenaxat Juan. Qam cá'maq paguec cocho'qui' queda lo'ueenataxanaxac ñi qota'a queda piguim, paguec lecaic queso'maxare.

Mateo 11:7

Ca co'na' que' saua'maxare, ca so Jesús ỹa'xatem na qomyipi dá'maq 'neeta so Juan, 'naaco': —¿Negue' só'maq 'ajnaxañiu'ga na'le quiyi 'laua qaica qom? ¿Peeta'a 'óna aso noqola late'e qaỹachoolaxantac quena nonot?

Mateo 16:14

Ca saua'maxare 'neraco': —'Ue quen na 'naac qami' Juan nachilaxanataxanaq, chaqai 'ue na 'neetapega qami' Elías, chaqai 'ue na 'neetapega qami' Jeremías, loqo'm canchaqaica liỹa letaxaỹaxaqui ñi qota'a queso 'auaxaic qomyipi.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Marcos 1:15

'Naaco' quen so Jesús: —Mashic ipalata'a yi laloqo' quiyim novi' da lo'ueenataxanaxac ñi qota'olec ma' ỹoiquentac ná'ogue najo. Ca' 'xañiñi naua qatoigohi, chaqai viilec da na'qaatec chicqaugui da nca'laxa.

Marcos 1:2

So la'qaataxanqajnec ñi qota'a leenaxat Isaías, shi'co' 'ue da ỹiriñi, 'neetasa': Aỹim qota'a sela' ma'le ca ỹa'qaataxanqajnec, sa'auaxanta'gue da 'iisa'gue, qaiyi ỹa'maxatetañi ca nayicyaxaqui'.

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Lucas 7:24

Ca co'na' mashic que' saua lelaatqa so Juan, ca so Jesús ỹa'xatetac so Juan, ra'qaataxantapeguem so qomyipi, 'naaco': —¿Nega'ỹo' só'maq 'ajnaxañitapegueu'a qamiri quiyi 'laua qaica qom? ¿Aca noqola late'e ỹayoctetac na nonot?

Hechos 1:22

Naua'maxare ỹalequesaho na' qanachilaxan so Jesús queso Juan, chaqai chi ỹovireta'a na' taashiguim quena piguim. Ca' nagui ỹouen quiyim 'ue ca quenaua'maxare qanca'au'a, ca' qaỹalecqajnouguilo qomi', ca' qai'neeta na'qaataxanqajnec quiyim ỹa'xat so Jesús liỹa nca'leuec.