Mateo 28:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca queco'na'le, ca' qanachaxanalo queso Jesús, ca' qaiquine'. Ca' saua'maxare nqo'netot so Jesús, ca' ỹa'dooto naua le'cootal, chaqai qa'aalouguilo naua lichil.

Mateo 28:9 Iomraidhean Croise

Isaías 64:5

Qami' coñichiguit ca raỹaacotalec quiyim ỹo'ueetetac ca ỹa'maqachiguiñi chaqai se ỹa'laxate quiyim ỹo'uet dá'maq vi'saque. Qami' 'ohisari', ma' 'ue dá'maq qarasauaxaset; chaqai mashic shi'gom so'maqajanqatac aqami'.

Mateo 14:33

Co'na'le, ca sauá'maq neesañigui aso'maxare, ca ỹa'dooto naua le'cootal so Jesús. Ca 'neraco': —Ỹaatqajam lliqueta quiyim qami' llaalec ñi qota'olec.

Mateo 23:7

chaqai qaỹa'maxate'tegue quiyim qaiquin quena qom quena nayic, chaqai quiyim qaỹamata'gue napaxaguinataxanaq.

Mateo 28:10

Ca so Jesús 'naaco' quesaua'maxare: —Totaxan ro'chii. Mohi, vii la'xaỹaxac ca ỹaqaỹaripi, quiyim taigue da Galilea. Ca' queda hua'gue, ca' iuañiua' ma'le.

Mateo 28:17

Ca co'na' iuanta so Jesús, ca' ỹa'dooto naua le'cootal, 'eno'm 'ue na ñaqai saqa' ỹaatqajam huelec quiyim ỹaatqajam chaqaiso' so'maxare.

Mateo 28:8

Co'na'le, ca' saua 'aalo chaqa'ma' quere'e aso napal lahi', 'ue da lqolonqa', qam lotqai 'xoic da netoonaxague'. Ca' que', ne'guente', ỹahote la'xaỹaxague' saua lapaxaguinatqa.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 24:52

Ca saua'maxare co'na' ime nqouagaxaintacot so'maxare, ca piltegue da Jerusalén, ỹaatqajam netoonta'pe.

Lucas 7:38

Ca noỹentac quena lichil so Jesús, ca' quiỹota'pe, quiỹoxonalo naua lachi'. Ime, ca' ỹashiviaqte' naua lichil so'maxare, ỹahote'e na laue. Ca qo'goqota'pe chaqai ỹocorelgoto queso coraxat lo'daxaraic lahita.

Juan 12:3

Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat.

Juan 20:19

Ca chaqaiso' so na'xa'a ma' la'auaxanec quenaua na'xata' no'ueenataxanaxaqui'. Co'na' mashic pe, ca lapoỹata' saua lapaxaguinatqa so Jesús. Qam ỹapootaguilo naua lasomi', ma' no'chiitapega na judioipi. Ca' so'maxare inoxono, ca' taañigui na lavinñi so lapaxaguinatqaipi. Ca' iquine', 'naaco': —'Ue ma'le ca reuagaxahi.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.