Mateo 28:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam sqaica quenajo. Ma' shi'gue liỹa nca'leuec, ca ipaquichigui dá'maq 'naac na'le. Qam ỹalahi, ñaqai 'ajñii yí'maq qailla'ñi na'le.

Mateo 28:6 Iomraidhean Croise

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Mateo 16:21

Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 17:23

ca' qaỹalauat ma'le. Qam ma' inoxondec caua tres na'xata', ca lotqai liỹa nca'leuec. Ca quedajo la'qaatec, ca 'xoic na lachicoqo' saua'maxare.

Mateo 17:9

Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Marcos 16:6

Qam so'maxare 'naaco' quesaua'maxare: —Totaxan ro'chii, qamiri daañitaque ca Jesús, le'ec yi Nazaret, cataq qaipateno na'le. Qam shi'gue qanca'laxatec, qaica quenajo. 'Ajñii ná'maq qailla'ñi na'le.

Marcos 8:31

Co'na'le, ca' ra'qaataxantapegalo so'maxare, ca 'naaco': —Najo ỹale llaalec 'xoic ma'le ca le'xoric, chaqai qaỹo'daauec ma'le quena nqo'xonqaipi, chaqai quena la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi. Chaqai ra'qaataxanema quiyim qaỹalauat ma'le so'maxare, qam ma' ỹovirerec caua tres na'xata', ca lotqai liỹa nca'leuec.

Lucas 24:12

Qam so Pedro inoxonec, ca' eec ne'guenta ra'ajnaxane'oga aso lahi'. Ca co'na' ra'i'ñigui na lauel aso'maxare, ca iuanalo saua hualoq lahil lalagaxaqa hueesau'e na lahi aso'maxare. Ime, ca' queho queca la'a', ỹaatqajam 'xoic le'laxa quedá'maq 'neeto' na'le dajo.

Lucas 24:23

Ca co'na' se ỹanajta ca'maxare, ca rapilerec, ca ỹa'xatesac ca lauanaxanaxague' co'na' iuanalo saua nelaatqa piguim lase' ỹa'xatesac quiyim so Jesús nca'leetauec.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 10:17

Ñí'maq ita'a ỹaatqajam nqo'ta ỹim, ma' ỹim saanec da ñachaalataxac, qam ma'le liỹa secoñiguit.

Juan 2:19

Ca' so Jesús 'naaco': —Poxoỹaxachigui anajo no'ueenaxanaxaqui. Ca' ỹim liỹa ño'xonshiguim, qam quecaua tres na'xata', ca' somat.

Hechos 2:24

Qam ñi qota'olec lotqai liỹa nca'laxatec, naqata'a no'uenaqte'tegue queda lquesaxanaxa so nelauaxa, ma' so nelauaxa se ishit ỹoiquentac so'maxare.