Mateo 28:3 - La'qaatqa ñi qota'olec Qota'olec & Qota'olec Novita Na Qomyipi

³ Ca so'maxare ỹaatqajam ỹaviquetaugui, 'ec na nqai'legaxa, chaqai saua loho ỹaatqajam lalagaxaqa, 'nejme' ana loñi.

Mateo 28:3 Iomraidhean Croise

Salmos 104:4

Na nonot chaqaina na ra'qaataxanqajanqui', chaqai relaataxahi' naua norqa lauaxa'.

Daniel 7:9

Ca' ñaqai queeta sa'ajantac, ca vire'ta qoỹande'oguiyi saua nashi nqa'xanaxaqui, ca' 'ue so qo'xoicoqui' nqa'xanñi. Saua loho lalagaxaqa 'ec ana loñi nacañi, na lqahic laue 'ec na qagreta laue co'teeta. So nqa'xanaxaqui chaqai saua laviol ỹaatqajam norec lauaq,

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Mateo 28:4

Ca co'na' qaiuana so'maxare queso nouaataxanyipi, ca sá'ogue i'loxol quena lqolonaxa, ca' huerañi ileuete'.

Marcos 16:5

Ca' inoxondougui aso napal lahi', ca' iuanteta so ne'nec nqa'xantañi pa'aata'gue da loic, ladocaqa saua loho lalagaxaqa, ca no'daxateterec.

Marcos 9:3

Saua loho ỹaatqajam qashilgue' chaqai ỹaatqajam lalagaxaqa, ỹaatqajam qaica ca qom quena 'laua quiyim quiỹoxon 'nejme' lalacqa' nqai'ne' saua loho.

Juan 20:12

Ca iuane'talo' saua dos nelaatqa piguim lase', lalagaxaqa naua loho, nqa'xansa'ñi yí'maq qailla'ño' na'le so Jesús. 'Óna so nqa'xanta'ñi yi na'xanqa', chaqai so liỹa neeta'ñi yi nichinqa'.

Hechos 1:10

Ca ñaq ra'iisashiguim saua'maxare co'na' nqo'neetashiguim so Jesús, co'na' chaqai huaqatero saua dos ỹale', imerañi lalagaxaqa naua loho, huaqatero quesaua'maxare.

Apocalipsis 10:1

Ca na'le, ca' seuane'ta so liỹa nelaatec piguim le'ec ỹaatqajam quesaxanaxaic, chicqotashiguim queda piguim, hueetaugui so naueguelec, chaqai na lqahic hueetalec so qoñi'gue. Chaqai na lashic 'nejem na ra'aasa lauaq, chaqai naua lichil 'ec na norec lauaq.

Apocalipsis 18:1

Ca na' ime dajo, ca seuane'ta so liỹa nelaatec chicqotashiguim queda piguim, chalego lquesaxanaxa da lelaataxanaxac. Ca' na 'laua re'qojlec nqai'en queso lauaq.