Mateo 28:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 28:18 Iomraidhean Croise

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Lucas 10:22

Ca' 'naapego' so qomyipi, 'naaco': —Ñi ita'a nañaañim ná'ogue na na'deenataxanaxac. Ma' qaica ca ỹa'den negue' najo llaalec, chaqaiñiita ñí'maq leta'a. Chaqai qaica ca ỹa'den negue' ñí'maq leta'a, qainaata ná'maq llaalec, chaqai quecauajo cauá'maq ñi'maxare ỹahotaque ỹa'deenaxanaxanque.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:31

Cá'maq chicqa'gue da piguim, ca'maxare napacalec ná'ogue nanchaqaina; qam cá'maq hueetalec ana 'laua, ca'maxare 'lauasec, chaqai quena' retaqa, ca' ỹa'xatetac ná'maq huelec ana 'laua. Qam cá'maq chicqa'gue da piguim napacalec ná'ogue nanchaqaina,

Juan 3:35

Ma' ñi qota'olec ỹaatqajam ỹauotegue so llaalec, vichiguiño' ỹomato'ot ná'ogue ná'maq lalamqateripi.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Hechos 2:36

Ca ná'ogue na Israel laseripi ỹaatqajam ỹa'deenta quiyim so Jesús só'maq qamiri pachiñiho, ca' chaqaiso só'maq ñi qota'olec ỹanagui quiyim qara'gaxala' chaqai nashi nca'laxaqui.

Romanos 14:9

Ma' so Cristo ileu chaqai lotqai liỹa nca'leuec, qaiyi so'maxare chaqaiso só'maq la'gaxala' ná'maq mashic ileu chaqai ná'maq ñaqai nca'leetauec.

1 Corintios 15:27

Ma' ñi qota'a mashic pataxalec quiyim ỹoiquentac ná'ogue najo so Cristo. Qam ma' naua naneresañi na'qaatqa 'nerac quiyim qaipataxalec ná'ogue najo so'maxare, ca' ñi qota'a se ỹalego quena'maxare, ma' chaqaiñi ñí'maq pataxalec ná'ogue nanchaqaina so'maxare.

Colosenses 2:10

Ca' nagui ỹaatqajam no'qaachiguilo qamiri queda no'ueenataxac ñi qota'a, ma' na'yiitau'a so Cristo. So'maxare chaqaiso só'maq napacalec ná'maq nashillipi chaqai ná'maq nquesaxanaxa se re'xogui.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 2:8

Ná'ogue lli'ro'oto naua lapiaate'. Ca' mashic ná'ogue qaillo'oto naua lapiaate' na qom, ca' ñi qota'a sqaica quet cá'maq no'ueenaqtauec quiyim se qanollaañi quena'maxare. Qam qaiyiita saqa' seuanaxa quiyim ná'ogue na'xaỹaxana na'maxare.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”