Mateo 27:66 - La'qaatqa ñi qota'olec Qota'olec & Qota'olec Novita Na Qomyipi

⁶⁶ Ca' saua'maxare que', ca' ỹaatqajam ỹa'maxachichiriñi aso lahi', ca' qaỹa'ue aso netanaxasete so qa' lapooque' aso lahi'. Ca na' ime, ca' qano'ueenaqterañi saua nouaataxanaq lase' quiyim reloxoira'a.

Mateo 27:66 Iomraidhean Croise

Daniel 6:17

Ca co'na' so Daniel hueeta'ñigui aso tema, ca' qanodouec so qa', ca' qaillaalec so lap aso tema, ca' so nashi pataxañi aso letanaxanqate chaqai ana letanaxanqate so lotauaripi queda lo'ueenataxanaxac, qaiyi quedá'maq qohine'tegue queso Daniel ipaquichigui nqohin dá'maq qaỹa'yiñi 'deenaxac.

Mateo 27:60

Ca illaugui asó'maq chi ỹauaaque lalamaxarete lahi', só'maq relaataxanlco' na'le quiyim qani'ỹaho caso qa'. Ca' co'na' ime ỹapogui queso qa' lodegaxat, ca' eec.

Mateo 27:65

Ca' so Pilato 'naaco' quesaua'maxare: —'Eda da nouaataxanyipi. Mohi, quii, ca' ỹaatqajam 'maxachichiguiñi pohichigui aca lahi'.

Mateo 28:11

Ca co'na' ñaqai queete' saua 'aalo, ca 'vio' saua neloxoỹa' nouaataxanaq lase' querepegue' yi na'a' lodegaxat Jerusalén, ca ra'qaataxanta so la'gaxalateripi na netaxaỹaxanqajanqaipi quedá'ogue dá'maq 'neeto' na'le.

Mateo 28:2

Ca 'uo' so quesaxan le'loxolaxa na 'laua, ma' so lelaatec piguim le'ec ñi qara'gaxala' chicqo'ot na piguim. Ca na' noviri'ña aso lahi', ca naqat so qa' lodegaxat lapooque' aso'maxare, ca' nqa'xanlec.

Marcos 16:4

Qam co'na' ra'iraho, ca' iuanteta so qa' lodegaxat lapooque' aso lahi', qaica, shi'co' nac.

Juan 20:1

Ca' quesó'maq 'auaxaic na'xa'a quenaua na'xata' no'ueenataxanaxaqui', ca aso Magdala lase leenaxat María, o'teeta'oga aso napal lahi' na' llaq napaltañi, ca iuane'ta quiyim qanaqat so lapooque' aso napal lahi'.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Apocalipsis 20:3

Ca inaxa'ña ca lapooqo' na nqui'illipi. Ca ỹapo'ña, ỹo'uet aso netanaqsete ñi lasom, ca tot ishit ỹayin ná'maq ỹoreta'oguit qomyipi, toco' ma' ỹovirerec saua mil ñaxari. Ca' ma'le, ca' liỹa qaỹosouec lecocho'qui'.