Mateo 27:54 - La'qaatqa ñi qota'olec Qota'olec & Qota'olec Novita Na Qomyipi

⁵⁴ Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 27:54 Iomraidhean Croise

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 27:36

Co'na' ime, ca' nqa'xañiñi quiyi'maxare, ca nauaansa'a ỹa'ajansac so'maxare.

Mateo 27:40

Ca 'naac: —Qami' ná'maq 'ñirac so'irigui ñi no'ueenaxanaxaqui late'ogue' na'ñi na Jerusalén, ca' quecaua tres na'xata', ca' lotqai ñá'ogue no'xoñirishiguim. Nagui, ca' chi nca'laxachiralta'. Ca no'm ỹaatqajam qami' llaalec ñi qota'olec, ca renochirec nagui quena npatenaxalachi'.

Mateo 27:43

Ñi'maxare ỹaanot da lpi'ỹaxac ñi qota'olec. Ca' chaqaiñi ñí'maq qota'olec ñí'maq nca'laxatec quet nagui, no'm llic nqo'ta. Ma' ñi'maxare mashic 'naac coqomi' quiyim llaalec ñi qota'olec.

Mateo 27:51

Ca' queco'na'le, ca' so lapoxot añi no'ueenaxanaxaqui late'ogue' na'ñi yi Jerusalén shicchichiguiñigui na lavinñi, chicqoshi'mquera, ca' ỹovira'nquira, ca i'loxol na 'laua chaqai ropoxoỹa'gue na qaripi.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Mateo 8:5

Ca co'na' inoxono so Jesús quiyi na'a' Capernaum, ca qanoviro'o' queso nouaataxanaq lashi Roma le'ec. Ca ne'xoresene'tot so Jesús,

Marcos 15:39

Ca' so lashi na nouaataxanaq reloqoto'ot so Jesús iuanchigui na' ỹaualaq chaqai da 'neeto' na' ileu, ca 'naaco': —Ỹaatqajam llic quiyim ñijo ỹale, ñi'maxare ỹaatqajam llaalec ñi qota'olec.

Lucas 22:70

Ca na' ime, ca sá'ogue qaimaalec qainat, qohinac: —¿Ca' qami'o' na' qami' llaalec ñi qota'olec? Ca' so Jesús 'naaco': —Ajá'a, chaqaỹim, ma' qamiri qai'neeta 'ñiỹac.

Juan 19:7

Qam so judioipi 'naaco': —Qomi' 'ue da naqataxac qoỹaanema qomi' na'le, ca dá'maq qanaqataxac 'neetasa' quiyim qaỹalauat, ma' da'maxare 'naac quiyim llaalec ñi qota'olec.

Hechos 10:1

'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Hechos 21:32

Qam so nouaataxanaq lashi lapoonta' so nalliripi chaqai so lotauaripi. Ca' eec ne'guentagui. Ca na' qaỹovita ca hueete'e so qomyipi. Ca' so qomyipi co'na' idaana'guit so nashi chaqai so nalliripi, ca qoỹaxanñi quiyim qaỹouaxantac so Pablo.

Hechos 23:17

Ca co'na' ỹa'den dajo so Pablo, ca roỹaxana so lotaua so nouaataxanaq lashi, ca 'naaco': —Viquira'a ca nouaataxanaq lashi najo ne'nec, ma' 'ue da la'qaataxanaxac.

Hechos 23:23

Ca' so nouaataxanaq lashi roỹaxanalo saua dos lotaua', ca 'naapegalo quiyim na'maxajñi nqai'ne' ca doscientos nouaataxanaq co'ueetañi, chaqai ca setenta neetashiguim, chaqai ca doscientos ỹahote'e laqui, chaqai ma' ncopau'gue ca pe, ca' eec, taigue da Cesarea.

Hechos 27:1

Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 27:43

Qam so lashi so nouaataxanaq, ma' ỹahotaque quiyim nca'leetauec so Pablo, ca se ỹa'maxaren quiyim qohine'tegue dajo. Ta'ta'a quiyim chinlataxan quiyim cá'maq ỹa'den lo'xonaxac, ca 'au taañigui yi huaxaỹaq, 'au ỹo'xonta'ta'a yi 'laua,

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.