Mateo 27:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Ca' queco'na'le, ca' so lapoxot añi no'ueenaxanaxaqui late'ogue' na'ñi yi Jerusalén shicchichiguiñigui na lavinñi, chicqoshi'mquera, ca' ỹovira'nquira, ca i'loxol na 'laua chaqai ropoxoỹa'gue na qaripi.

Mateo 27:51 Iomraidhean Croise

Éxodo 40:21

Ime, ca ỹodougui na lauel so 'imec na'daañi. Ca' ỹauec so lapooque', qaiyi pojlec aso lahi' saua naqataxaco. Ca ipaquichigui dá'maq la'qaatec ñi qara'gaxala'.

Isaías 25:7

Ca dajo qa', nosogoñi ma'le ñi qara'gaxala' so napoxonaxat ỹapootalec ná'ogue na ỹoreta'oguit qomyipi, so nepo' napoxonaxantañi ná'ogue na qomyipi quena 'laua.

Levítico 16:2

Ca' ñi qara'gaxala' 'naaco' queso Moisés: —'Ñirapega ma'le ñi rqaỹa'e' Aarón quiyim se inoxona'a yi co'teeta ñqa'xanqa' quecanchaqaica na'xa'a yí'maq pootalec queso napoxonaxat, chaqai yi pa'aata'guit añi lapooquete añi lahi' na ilaataxanaxaquipi, qaiyi se ileu. Ma' ỹim ñoviriñi ma'le, seuetaugui so naueguelec, seuetalec añi lapooquete añi lahi' na ilaataxanaxaquipi.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 28:2

Ca 'uo' so quesaxan le'loxolaxa na 'laua, ma' so lelaatec piguim le'ec ñi qara'gaxala' chicqo'ot na piguim. Ca na' noviri'ña aso lahi', ca naqat so qa' lodegaxat lapooque' aso'maxare, ca' nqa'xanlec.

Marcos 15:38

Co'na'le, ca' so lapoxot aso no'ueenaxanaxaqui shicchichiguiñigui na lavinñi, chicqashi'mquera, ca ỹovirañi so lasectaxa.

Lucas 23:45

Ca' aso ra'aasa ỹaatqajam napalgui, ca' so lapoxonaxat pa'aauo aso no'ueenaxanaxaqui late'ogue' quiyi Jerusalén shicchichiguiñigui na lavinñi.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Hebreos 6:19

Dajo qanaquitaxac chaqaida dá'maq ra'ñichiguiñi chaqai nolliichiguiñi da qanachaalataxac, 'nejem aca nollaañi aca qom lahi' huaxaỹaqse. Dajo qanaquitaxac que'eentau'a cá'maq pa'aauo queca lapoxot aca no'ueenaxanaxaqui neeta'gue da piguim,

Hebreos 9:3

Ca' queda lahi so liỹa napoxonaxat, ca' 'ue yi liỹa noma' leenaxat qaica ishit ỹovira'a.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.