Mateo 27:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ Ca co'na' mashic rashiiñi aso ra'aasa, ca ỹaualqo' netenegue da laualaxac so Jesús, 'naaco': —Elí, Elí, ¿lama sabactani? —dajo 'naac: Qami' qota'olec, qami' qota'olec, ¿chi'neco' ma' yalachi'?

Mateo 27:46 Iomraidhean Croise

Salmos 22:1

Qami' qota'olec, ¿chi'negue ma' yo'ueenaxachisañi?, ¿chi'negue ma' sqa na'itquena, ca yca'laxachirec?, ¿chi'negue ma' se quelollita da ñoỹenaxac?

Salmos 71:11

'Nerac: ¡Cuañiỹac, coñilec, ma' ñi qota'olec shi'gue ca'e, ca' qaica ca ishit nca'laxatec!

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Mateo 27:47

Ca 'vio' saua quesauá'maq hueese'eyi 'qaachirigui, ca 'neraco': —Ñijo ỹale roỹaxantaque ca qota'a letaxaỹaxaqui leenaxat Elías.

Marcos 15:34

Ca co'na' ỹovita yi laloqo', ca' so Jesús ỹaatqajam netenegue da laualaxac, 'naaco': —Eloi, Eloi, ¿lama sabactani? —ca' da leloxoỹaxac dajo na'qaatec 'neetasa': Qami' qota'olec, qami' qota'olec, ¿chi'neco' ma' yalachi'?

Lucas 23:46

Ca' so Jesús ỹaualqo', 'naaco': —Qami' ita'a, sañiguilo naua rqai'laqachichi' na ỹa'al. Ca co'na' naauec da la'qaatec, ca' ileu.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.