Mateo 27:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ñi'maxare ỹaanot da lpi'ỹaxac ñi qota'olec. Ca' chaqaiñi ñí'maq qota'olec ñí'maq nca'laxatec quet nagui, no'm llic nqo'ta. Ma' ñi'maxare mashic 'naac coqomi' quiyim llaalec ñi qota'olec.

Mateo 27:43 Iomraidhean Croise

Salmos 14:6

I'neetac dá'maq ỹahotaque na 'xoraiquipi, qam ñi qara'gaxala' ro'ootaxanlec na'maxare.

Salmos 22:8

Ca 'naac: Ñijo ỹale pe'eetapega quen ñi qara'gaxala'; ca ñi'maxare souec nqai'en ma'le, ma' lqo'itaxat, ca' nca'laxatec.

Salmos 42:10

Ỹovire'talo naua ipi'naqa seuete' paguelec na la'qaatqaipi na ñpa'guenaxauaripi, chaqai quiyim se yayaxanac yinatetac: ¿Negue' ca hueeta'gue ca qota'olec caqami'?

Salmos 71:11

'Nerac: ¡Cuañiỹac, coñilec, ma' ñi qota'olec shi'gue ca'e, ca' qaica ca ishit nca'laxatec!

Mateo 27:40

Ca 'naac: —Qami' ná'maq 'ñirac so'irigui ñi no'ueenaxanaxaqui late'ogue' na'ñi na Jerusalén, ca' quecaua tres na'xata', ca' lotqai ñá'ogue no'xoñirishiguim. Nagui, ca' chi nca'laxachiralta'. Ca no'm ỹaatqajam qami' llaalec ñi qota'olec, ca renochirec nagui quena npatenaxalachi'.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:35

Ca' sá'ogue so qomyipi ỹa'ajantac so'maxare, chaqai vire'ta so nashillipi i'neetac, 'naac: —Nca'laxatec quen na liỹa; ca' nagui 'maxaraic chi nca'laxatalta', no'm ỹaatqajam llic chaqaiñi ñí'maq nashi nca'laxaqui, lca'acsec ñi qota'olec.

Lucas 23:37

Chaqai qohinapega: —No'm chaqaqami' na' qami' lashi na judioipi, ca 'maxaraic quiyim chi nca'laxachiralta'.

Juan 10:30

Ỹim chaqai ñi ita'a qomi' 'oonoqui'.

Juan 10:36

Chaqai no'm ñi qota'olec ỹoỹoote'oga ỹim, ca yilata na 'laua, ca ¿negue' quet cá'maq 'neeta quiyim 'ñiỹac ñapacalec ñi'maxare quiyim shinac ỹim llaalec ñi qota'olec?

Juan 19:7

Qam so judioipi 'naaco': —Qomi' 'ue da naqataxac qoỹaanema qomi' na'le, ca dá'maq qanaqataxac 'neetasa' quiyim qaỹalauat, ma' da'maxare 'naac quiyim llaalec ñi qota'olec.