Mateo 27:40 - La'qaatqa ñi qota'olec Qota'olec & Qota'olec Novita Na Qomyipi

⁴⁰ Ca 'naac: —Qami' ná'maq 'ñirac so'irigui ñi no'ueenaxanaxaqui late'ogue' na'ñi na Jerusalén, ca' quecaua tres na'xata', ca' lotqai ñá'ogue no'xoñirishiguim. Nagui, ca' chi nca'laxachiralta'. Ca no'm ỹaatqajam qami' llaalec ñi qota'olec, ca renochirec nagui quena npatenaxalachi'.

Mateo 27:40 Iomraidhean Croise

Mateo 16:4

Najo qomyipi hualoxonaq chaqai mashic ca'e ñi qota'olec, na'maxare rashiilaxantaque quiyim qaỹo'uet ca netanec se qaiuanapega. Qam se qoỹaanem ca liỹa netanec, qaisoota so netanec na'le queso Jonás. Ime, ca' no'ueenaqchichiguiñi so qomyipi, ca' eec.

Mateo 26:61

Ca saua'maxare 'neraco': —Dajo ỹale 'naac na'le: “Ỹim seshit sopoxoỹaxachigui añi no'ueenaxanaxaqui late'ogue' na'ñi na Jerusalén, qam quecaua tres na'xata', ca lotqai ñá'ogue ño'xonshiguim.”

Mateo 27:41

Chaqai saua lashil na netaxaỹaxanqajanqaipi, chaqai saua napaxaguinataxana' quena naqataxaquipi, chaqai so fariseoipi, chaqai so lqo'xonqaipi na judioipi, qai'neeta ỹoviraqtesapega so'maxare. 'Neraco' quen:

Mateo 27:42

—Ishit nca'laxatec ca liỹa, qam ñi'maxare se ishit quiyim chi nca'laxatalta'. No'm llic quiyim chaqaiñi ñí'maq lashi na llaalqaipi so Israel, ca' renotec queda npatenaxala', qaiyi seuaqlec ñi'maxare.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Mateo 4:6

Ca 'naapego': —No'm ỹaatqajam qami' llaalec ñi qota'a, ca' quenajo, ca' renochirauec. Ma' yi naneretañi na'qaatec 'naacsa': Ñi qota'a nela' ma'le na lelaatqaipi piguim laseripi, quiyim netela'a qami'. Illiitalgoto qami' naua laua' caua'maxare, qaiyi qaica ca roqopia'guita naua richilli' quena qa'.

Lucas 16:31

Qam so Abraham 'naaco': “Quiyim se na'xaỹaxana so Moisés chaqai so la'qaataxanqajanqaipi ñi qota'a, ¡qaiyiita sqai huelec, 'eno'm 'ue ca liỹa nca'leuec, chicqochi'ñi ca leuaxaiquipi!”

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.