Mateo 27:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Mateo 27:4 Iomraidhean Croise

1 Reyes 21:27

Ca' so Acab co'na' 'qaachigui dá'ogue dajo, ca nasectaqta'ahi saua loho, ca' ỹañiñi saua noho nachicoxoqui' chaqai nqopaaqachit. Chaqai quena' laq, ca' queeta'anto saua loho ỹansañi, chaqai rachicotam.

2 Reyes 24:4

chaqai sauaxat so lalauatqaipi qaica ca ỹasauaxat, ỹocoraxata'pe saua leuo' quiyi Jerusalén. Ca vichiguiño' ñi qara'gaxala' tot ishit quiyim se ỹa'ue ca nouaxanaxaset.

Job 13:4

Qamiri pohilec dá'maq lliqueta queda ra'maachiguii; qamiri natarenataxana', qam qaica ca machiuec.

Éxodo 12:31

Ca' chaqaicaata ca pe, ca' so Faraón relaataxane'ogalo saua Moisés chaqai so Aarón. Ca 'naaco' quesaua'maxare: —Mohi, oquii'e najo, noỹoochiuec quena iuo' laseripi qamiri chaqai ná'ogue na Israel llaalqaipi. Mohi, quiipegue' nqouagaxaiñiỹot ca ra'gaxalari, repaguiỹalec dá'maq 'ñiỹac.

Éxodo 9:27

Ca' so Faraón roỹaxane'ogalo' saua Moisés chaqai so Aarón. Ca 'naaco': —Ñauatalta' quiyim 'ue da so'maqajantac, qam chi ỹasauaxaset chaqai na iuo' laseripi. Mesqaiñi ñi ra'gaxalari.

Jeremías 26:15

Qam 'yiiñitari' ma'le dajo, no'm yalauachii, qamiri ñiỹa'ñi najo na'a' lodegaxat, ca' 'ue ca rasauaxashichii, ma' yalauachii qaica ca sasauaxat; ma' ỹaatqajam lliqueta quiyim ñi qara'gaxala' chaqaiñi ñí'maq yila' quiyim sa'xatema qamiri dá'maq 'xahitapega nagui.

Jonás 1:14

Co'na'le, ca' nqouagaxainsacot ñi qara'gaxala', 'neraco': —¡Qami' qara'gaxala', 'neeto' qaralauachi' sauaxat ñijo ỹale! Chaqai no'm sqaiñi, ca 'neeto' pataqairelgoto qomi' qarasauaxaset ca lelauaxa ñi'maxare. Ma' qami' qara'gaxala' 'viichi' cá'maq vi'saque.

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:22

Ca' mashic tres pilalec so Pilato 'naapegalo saua'maxare, 'naaco': —¿Nega'ỹo' ca ỹo'uet se ỹa'maxañi da'maxare? Ma' ỹim qaica ca sanata lasauaxaset cá'maq ñigui quiyim qaỹalauat. Ca' ỹim chi selaataxanlec quiyim qaỹouaxan da'maxare, ca' ma' ime, ca sosouec.

Lucas 23:41

Qomi' ỹaatqajam ỹa'maqachiguiñi quiyim 'xoic qare'xoric, ma' chi seshiuetenqatac dá'maq ñigui ca qarasauaxaset. Qam ñí'maq ñijo ỹale, qaica ca ỹo'uet se ỹa'maxañi.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Juan 19:7

Qam so judioipi 'naaco': —Qomi' 'ue da naqataxac qoỹaanema qomi' na'le, ca dá'maq qanaqataxac 'neetasa' quiyim qaỹalauat, ma' da'maxare 'naac quiyim llaalec ñi qota'olec.

Hechos 13:28

'Eno'm quiyim qaica cá'maq 'neeta quet cá'maq ỹasauaxat quiyim qaỹalauat, qam qaiyiita qaỹashiila so Pilato quiyim relaataxanlec qaỹalauat.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

1 Timoteo 4:2

Chaqai na'xaỹaxantapega na qomyipi sqa ỹaataxalec chaqai 'maatqaic, chaqai quedá'maq la'deenataxanaxac tot qaica ca nauataque, 'eco' mashic qaỹavigaxat queca lecat pa'e.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

1 Pedro 1:19

ta'ta'a quiyim qarishiuetenaxanalo saua leuo' so Cristo só'maq co'na' qoỹaano quiyim qaỹalauat 'neetari' ca qagreta llaalec sqaica ca la'aqset chaqai qaca aca lete.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.