Mateo 27:32 - La'qaatqa ñi qota'olec Qota'olec & Qota'olec Novita Na Qomyipi

³² Ca co'na' mashic inoxondec, que', ca natenda'guit so ỹale na'gue da Cirene, leenaxat Simón. Ca' qohinapega quiyim i'xat so npatenaxala' so Jesús.

Mateo 27:32 Iomraidhean Croise

1 Reyes 21:10

Ime, ca nqa'xañiñi nqai'ñii' caua dos ỹale' reloqoso'ot nqai'ñii. Ca' caua'maxare chaqai 'nerac nqai'ñii quiyim so Nabot noquiaatapega na'le ñi qota'olec chaqai ñi nashi Acab. Ime, ca viguiuec, ca lauachii, naxaita, dohita'a na qa'.

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 5:41

Chaqai no'm 'ue ca ỹamaxalec ca li'ỹaac quiyim 'xachi' do'ita cá'maq taỹa'ñi, ca' noquigaxachiterec cá'maq do'iri'ñi.

Marcos 15:21

Ca 'uo' so ỹale na'ñi yi Cirene, leenaxat Simón, so'maxare leta'a' so Alejandro chaqai so Rufo. Noviro, chicqauec queda no'ueenaxa. Ca co'na' que'tegueyi, ca' qohinapega quiyim i'xat so npatenaxala' so Jesús.

Lucas 23:26

Ca co'na' mashic qaỹaueguec so Jesús, qaỹahotaque quiyim qaipateno. Ca' qaỹaconeu'a so ỹale, leenaxat Simón, ca la'a' na'ñi yi Cirene. So'maxare chicqauec quena no'ueenaxa. Ca' qohinapega quiyim i'xat so lpatenaxala', ca coỹaretaho nqohin queso Jesús.

Juan 19:17

Ca' qaỹauec so Jesús i'xateta nqohin so npatenaxala', quepegue' yi 'laua leenaxat nqohin nqahic lpi'nec loma'. Qam quena hebreo la'qaatqa qohinac Gólgota.

Hechos 11:20

Qam 'uo' na mashic ỹacoñiguit da na'qaatec, chicqa'gue da Chipre chaqai da Cirene, ỹovirera'a yi na'a' Antioquía. Ca ỹoviraqta'ogalo naua na'qaatqa na sqai judioipi, qaỹa'xatetac so qara'gaxala' Jesús.

Hechos 13:1

Quená'maq mashic ỹacoñiguit da na'qaatec neeta'ñi yi na'a' Antioquía mashic 'uo' na qota'a letaxaỹaxaqui chaqai na napaxaguinataxanaq. Quesaua'maxare 'uo' so leenaxat Bernabé, chaqai so Simón (na'aamataxat Hueraic) chaqai so Lucio, Cirene le'ec, Manaén (naquetashi'me' nauegaxaua so Herodes só'maq nashi quiyi Galilea) chaqai so Saulo.

Hechos 2:10

chaqai Frigia, chaqai Panfilia, chaqai Egipto, chaqai quedaua lahil yi Africa ná'maq paguec pa'aauec quiyi Cirene. Chaqai qai'neeta 'ue na romanollipi chi la'a' najo. Na'maxare 'ue ná'maq ỹaatqajam judío le'ec, chaqai 'ue na mesqai judío le'ec, qam ỹaatqajam huelec dá'maq huelec na judioipi.

Hechos 6:9

Ca 'vio' saua ỹale' naneresau'a añi napoonaxanaxaqui leenaxat lapooqo' na qaỹosouec na'aquipi, chaqai saua liỹa' chicqora'gue da Cirene, da Alejandría, da Cilicia, chaqai da 'laua Asia. Ca' chaqaiso só'maq retaqata'guit so Esteban.

Hechos 7:58

Ca qaỹaconeu'a, ca qaỹauegue'ogue da lahi yi na'a'. Ca' yi hua'ñi, ca' sá'ogue qainaq quena qa'. Qam sá'ogue só'maq ỹalequetau'a da nenaqsoxonaxac po'an ana lapooto, po'aana'ansopo' so ne'nec leenaxat Saulo.