Mateo 27:31 - La'qaatqa ñi qota'olec Qota'olec & Qota'olec Novita Na Qomyipi

³¹ Co'na' ime qohinta'gue dajo da ne'naxac so'maxare, ca' qanaqat aso lachima ladocai toc, ca' qoỹañiguilo sauá'maq chaqai loho. Ime, ca' qaỹaueguec quiyim qaipateno.

Mateo 27:31 Iomraidhean Croise

1 Reyes 21:10

Ime, ca nqa'xañiñi nqai'ñii' caua dos ỹale' reloqoso'ot nqai'ñii. Ca' caua'maxare chaqai 'nerac nqai'ñii quiyim so Nabot noquiaatapega na'le ñi qota'olec chaqai ñi nashi Acab. Ime, ca viguiuec, ca lauachii, naxaita, dohita'a na qa'.

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Isaías 53:7

Ỹaatqajam qaiqa'viỹa'gue, qam so'maxaro'lec chi nemanachiteta, vire'ta se ỹauachigui na lap; 'ec ca qagreta llaalec qaỹauega'a ca nalauatqa', qam so'maxare i'maqatam, se ỹauachigui na lap, 'ec aca qagreta quena' qanepetec.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Mateo 21:39

Ca' qaiconlec so'maxare, ca qaỹauegue'oguiyi queso 'laua, ca' qaỹalauat.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Marcos 15:20

Ca co'na' ime da ne'naxac so'maxare, ca' qanaqate' saua noho ỹansañi naue' letocqa', ca' qoỹañiguilo sauá'maq chaqa loho. Ca na' ime, ca qaỹauegue'oga yi npatenqa'.

Juan 19:16

Ca' quedajo, ca so Pilato ỹaanec queso qomyipi so Jesús quiyim qaipateno. Ca qaỹauec so'maxare.

Juan 19:27

Ime, ca lotqai 'naapego' só'maq lapaxaguinatec: —'Ada hueete'ena dá'maq qachii'i'. Ca co'na'le, ca chaqaiso so na'xa'a, ca só'maq lapaxaguinatec ỹauegueu'a yi la'a' aso'maxare.

Hechos 7:58

Ca qaỹaconeu'a, ca qaỹauegue'ogue da lahi yi na'a'. Ca' yi hua'ñi, ca' sá'ogue qainaq quena qa'. Qam sá'ogue só'maq ỹalequetau'a da nenaqsoxonaxac po'an ana lapooto, po'aana'ansopo' so ne'nec leenaxat Saulo.

Hebreos 13:12

Ma' qai'neeto' na'le so Jesús co'na' qaỹalauat pa'aatauec quiyi na'a' lodegaxat Jerusalén, qaiyi ishit quiỹouec na lasauaxaset na qomyipi, quiỹoxonalo sauá'maq chi leuo'.