Mateo 27:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Co'na'le, ca' so Pilato ỹosouec so Barrabás. Ca relaataxanlec quiyim qaỹouaxantac so Jesús. Chaqai na' ime, ca' ỹaanec quiyim qaipateno.

Mateo 27:26 Iomraidhean Croise

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Isaías 53:5

Qam qaica'laxatauec sauaxat quiyim se ña'xaỹaxanaxa, ca qaiqa'viỹa'gue sauaxat da se no'uen hueetaguilo qomi'; da le'xoric na' qaỹouaxantac, ca chicqochigui da no'daxa coqomi', chaqai quesaua lcoñiraxa', ca qomá'ogue qaremeuec.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Marcos 10:34

Ca na'maxare ỹaatqajam 'ue da le'naxanaxac ma'le, chaqai qaỹouaxan, chaqai qanatoxogui na lashic, chaqai qaỹalauat. Qam ma' ime' caua tres na'xata', ca lotqai liỹa nca'leuec nqohin.

Marcos 15:15

Ca' so Pilato, ma' ỹahotaque quiyim sqaicanqaida queso qomyipi, ca ỹosouec so Barrabás. Ca co'na' ime relaataxanlec quiyim qaỹouaxantac so Jesús, ca' ỹaanec quiyim qaipateno.

Lucas 23:16

Ca' ỹim selaataxanlec da'maxare quiyim qaỹouaxan. Ca' ma' ime, ca sosouec.

Juan 19:1

Co'na'le, ca' so Pilato relaataxanlec so Jesús quiyim qaỹouaxan.

Juan 19:16

Ca' quedajo, ca so Pilato ỹaanec queso qomyipi so Jesús quiyim qaipateno. Ca qaỹauec so'maxare.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.