Mateo 27:2 - La'qaatqa ñi qota'olec Qota'olec & Qota'olec Novita Na Qomyipi

² Ca qaicoñireta'ta' naua lqai'laqate', ca qaỹauega'a so nashi Roma le'ec Poncio Pilato.

Mateo 27:2 Iomraidhean Croise

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Mateo 28:14

Chaqai no'm ñi nashi ỹoviro'ot quiyim ỹa'den dajo, ca' qomi' ñpa'xanaxaguit quiyim huelec nqaishinaq, qaiyi se ishit ỹa'ue ca nouaxanaxashichii.

Lucas 13:1

Ca' chaqaisaua sauajo na'xata', ca 'vio' saua novite', ca' ra'qaataxansapeguem so Jesús queso nashi Pilato 'vio' saua ỹalauate' qomi' nera'ñi yi Galilea. Ime, ca' ỹalecqajñiguit na leuoripi só'maq leuoripi ca lalauatec iseripi, ỹahosaque ỹavigaxate' quiyim lachitaxanataxanqate'.

Lucas 20:20

Ca ỹa'vio' saua nelarerec quiyim na'ajnaxande'oga so'maxare chaqai 'ec 'maxaraic ỹalliripi, quiyim qaỹahotaque 'ue ca ỹa'xat se ỹa'maxañi, ca qaỹachigoxochichigui ca lasauaxaset, ca qaỹodou'a so nashi Roma le'ec.

Lucas 23:1

Ca sá'ogue so'maxare ne'laxashiguim, ca' qaỹauegueu'a so Jesús so nashi Pilato.

Lucas 23:12

Ca' queso na'xa'a so Pilato chaqai so Herodes lotqai liỹa huagata', ma' saua'maxare shi'co' quen pa'guenaxaua'.

Lucas 3:1

Ca co'na' ỹovite' quince ñaxari da lo'ueenataxanaxac só'maq ỹaatqajam lashi na nashillipi leenaxat Tiberio, qam so Poncio Pilato reloqota'a yi Judea, ca' so Herodes reloqota'a yi Galilea, chaqai so lqaỹa Felipe lotqai reloqota'a yi Iturea chaqai Traconite, chaqai so Lisanias lotqai reloqota'a yi Abilinia.

Juan 18:12

Co'na'le, ca so neetaho nouaataxanaq, liỹaatac so lashi, chaqai so nouaataxanaq quena judioipi, iconlec so Jesús, ca' coñite' naua laua'.

Juan 18:24

Ca' so Anás ila' so Jesús coñireta'ta' nqai'ne' naua laua', ilata so Caifás, só'maq lashi na netaxaỹaxanqajanqaipi.

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Hechos 12:6

Ca' queso pe pa'aata'guit so na'xa'a laloqojnec so Herodes quiyim qaỹaueguec so Pedro, qailoxoỹaxañiguit so qomyipi. Ca' laqatam so Pedro, hueetanguilo saua dos nouaataxanaq lase', qaicoñiretam quesaua dos caréna. Chaqai 'vii saua liỹa' nouaataxanaq lase' nauaansac ñi lasom reloqosa'a añi ncoñiitaxanaxaqui.

Hechos 21:33

Ca' so nouaataxanaq lashi nqo'neu'a so'maxare. Ca' coñi' so Pablo, relaataxanlec qaicoñi' quesaua dos carénas. Ime, ca' renataxan negue' so'maxare, chaqai negue' ca lasauaxaset.

Hechos 22:25

Qam co'na' ime qaicoñireta qaỹahotaque quiyim qaỹouaxan, ca' so Pablo 'naaco' queso lotaua so nouaataxanaq lashi hueete'eyi: —¿Ỹa'maqachiguiño' quiyim huaxañitac ca romano le'ec, quiyim saqa' 'yiiñii ca lasauaxaset?

Hechos 22:29

Ca só'maq ỹahotaque ỹouaxan so Pablo, sá'ogue chi noỹootetec queso'maxare. Vire'ta só'maq ỹaatqajam nashi 'uo' da lqolonaxa, na' ỹa'den quiyim romano le'ec so lcoñiiteguesec.

Hechos 24:27

Ca' mashic dos ñaxari 'neetari'o' dajo, ca so Félix totqai nashi, ca qalam so Porcio Festo nashi. Qam ma' so Félix ỹahotaque quiyim ỹa'maqachigui lauel nqai'en so judioipi, ca no'ueenaugui nqai'en añi ncoñiitaxanaxaqui so Pablo.

Hechos 28:20

Ca' chaqaida dá'maq 'em soỹaxane'ogalo qamiri, sahotaque ñauanto qamiri chaqai setaxaỹa'pegueto qamiri, ma' chaqaida dá'maq qanaquitaxac qom Israel laseripi, ca' chaqaida dá'maq 'em nagui qaycoñiretari'.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.

Hechos 9:2

ca rashiilaxanaque aca lere lomalate da lo'ueenataxanaxac. Ca' eec, quepegue' yi na'a' leenaxat Damasco, quigui ana lapoonaxanaxaqui na judioipi, idaanaque na ỹalliripi chaqai na 'aallipi, ca' coñi' ná'maq queetalec da na'qaatec, nauegueu'a yi Jerusalén.

1 Timoteo 6:13

Ca' nagui ỹauanchiguilo qomi' ñi qota'a ñí'maq ỹachigoqto'ot da lca'laxa ná'ogue nanchaqaina, chaqai ñi Jesucristo ma' ñi'maxare qai'neeta ỹa'xat da lpi'ỹaxac na' reloqota'guit so nashi Poncio Pilato. Vichiguiño' nagui selachi'

2 Timoteo 2:9

Ca' chaqaida dá'maq 'em ña'ñaxachiguit da i'xoric, ca' chi ỹovireta'a quiyim qaycoñiretari', qohinta'gue quiyim 'ec aỹim 'xoic ca ỹasauaxaset. Qam da la'qaatec ñi qota'a se ncoñiretari'.

Hebreos 13:3

Chaqai 'neeto' couahi'e na ncoñiitecseripi, 'ñiita'gue quiyim 'ec ncoñiitaxauahi. 'Yiiñitapega ná'maq se qaỹa'maxata'gue, ma' qamiri qai'neeta 'ue na roshicmaxahi ishit ỹovirau'a ca le'xoric.