Mateo 27:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca co'na' saua'maxare lapoota'ta', ca renataxano' so Pilato, 'naaco': —¿Negue' cá'maq viitaque sosouec: ñi Barrabás, loqo'm ñi Jesús ñí'maq qohinac nashi nca'laxaqui?

Mateo 27:17 Iomraidhean Croise

1 Reyes 18:21

Ca co'na'le, ca' so Elías nqo'neu'a sá'ogue so qomyipi, ca 'naaco': —¿Chi' laquio' 'xañiñi quiyim quiitalgoto naua dos ra'deenataxanaxagohi? No'm ñi qara'gaxala' chaqaiñi ñí'maq ỹaatqajam qota'olec, ca' quiitalec ñi'maxare; chaqai no'm ñi Baal, ca' chaqaiñi oquiitalec. Qam so qomyipi qaica ca ỹa'xat.

Mateo 1:16

Ca' so Jacob, ca' llaalec so José, só'maq loua aso María. Ca aso'maxare late'e so Jesús, só'maq leenaxat nashi nca'laxaqui.

Mateo 27:16

Ca 'uo' na'le so ncoñiiteguesec choxoraic leenaxato' Barrabás.

Mateo 27:18

Ma' retano' quiyim chi npa'guenaxac dá'maq 'em qoỹaano' so Jesús.

Juan 19:15

Qam so'maxare ỹaualqagui, 'naaco': —¡Lauachi'! ¡Lauachi'! ¡Pachiñiro! Ca' so Pilato 'naaco' queso qomyipi: —¿Negue' quet cá'maq 'neeta quiyim spateno ca rashii? Qam so la'gaxala' na netaxaỹaxanqajanqaipi 'naaco': —Qomi' qaica ca liỹa qarashi, qaiñiita ñi lashi na nashillipi na'ñi yi Roma.

Juan 4:25

Ca' aso 'aalo 'naaco': —Sa'den quiyim naata cá'maq qohinac Mesías —qam dajo 'naac Cristo, ca qaỹa'xateta'guit nashi nca'laxaqui. Ca ma' novi' ca'maxare, ca ỹa'xatema qomi' ná'ogue na leloxoỹaxaquipi.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.