Mateo 26:74 - La'qaatqa ñi qota'olec Qota'olec & Qota'olec Novita Na Qomyipi

⁷⁴ Co'na'le, ca' ỹaatqajam noqolliguit, ca 'naac quiyim qaỹalauat quiyim llic iuana so'maxare. Ca 'naaco': —'Taque', ỹaatqajam se seuanapega dajo ỹale. Ca' queco'na'le, ca' noỹen so huaqa'e.

Mateo 26:74 Iomraidhean Croise

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 26:34

Co'na'le, ca' so Jesús 'naaco' queso'maxare: —Ỹaatqajam llic da shinac caqami', chaqaina najo pe, ma' saqa' noỹen ca huaqa'e, qala' shi'gue tres 'ñirac quiyim sqai huañirapiguiỹa'.

Mateo 26:73

Co'na' ncopaata, ca qanqo'neu'a so Pedro quesauá'maq hueese'eyi. Ca qohinaco': —Ỹaatqajam llic quiyim qami' qai'neeta lliquisauguilo na'le saua'maxare, ma' vire'talo naua ra'qaataxahi' ỹaatqajam 'nejme' naua la'qaatqa saua'maxare.

Mateo 26:75

Co'na'le, ca' so Pedro ỹo'leente'te dá'maq 'naaco' na'le so Jesús: “Ma' saqa' noỹen ca huaqa'e, ca' qami' tres noqollicchitegue aỹim.” Ca' so Pedro ta'oguiyi, ca ỹaatqajam noỹen.

Mateo 27:25

Ca' sá'ogue so qomyipi nemaashiguim, 'naaco': —¡Qomi' chaqai na qochaalqaipi ñomatqalta' quiyim qarasauaxaset da lelauaxa!

Marcos 14:30

Qam so Jesús 'naaco' queso'maxare: —Ỹaatqajam llic da shinac caqami', quena pe ma' saqa' ỹovi' dos noỹen ca huaqa'e, qala' ỹovi' tres quiyim noqollicchisa'pegue aỹim quiyim 'ñirac sqai huañirapiguiỹa'.

Marcos 14:68

Qam so Pedro noqolliguit, 'naaco': —Se seuanapega, chaqai se sa'den dá'maq 'xachisac. Ca ta'ogo'yi, co'na'le, ca' noỹen so huaqa'e.

Lucas 22:60

Ca' so Pedro 'naaco': —Taque', se sa'den da 'xachisac. Ca co'na' ñaq retaqatac so Pedro, ca' noỹen so huaqa'e.

Juan 18:27

Ca lotqai liỹa noqolliguit so Pedro. Ca' quiyi, ca noỹeno' so huaqa'e.

Romanos 9:3

ma' ỹim ỹovire'ta sovira'a quiyim sahotaque quiyim aỹim ná'maq ỹo'da'guit ñi qota'olec, qaiyi qoỹoqo'ta nqai'en aỹim so Cristo, queta' chaqaido' dá'maq noviraxat ca la'maxa na ỹaqaỹaripi, quená'maq chi iuo' laseripi judioipi.

1 Corintios 16:22

Ca no'm 'ue ca se nqo'ta so qara'gaxala' Jesucristo, ca ca'maxare hueetalec da chalego lecaic nouaxanaxaset. ¡Qami' qara'gaxala', ma'le sqaỹaloq rapilli'!

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.