Mateo 26:70 - La'qaatqa ñi qota'olec Qota'olec & Qota'olec Novita Na Qomyipi

⁷⁰ Qam so Pedro reloqotaugui so qomyipi na' noqolliguit, 'naaco': —'Taque', se sa'den dá'maq 'xachisac.

Mateo 26:70 Iomraidhean Croise

Mateo 26:51

Co'na'le, ca 'uo' so 'óna quesaua nauegaxaua' so Jesús no'vicshiguim so lecat, ca ỹouaxanec aso lque'la so lelaatec so lashi so netaxaỹaxanqajanqaipi.

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Mateo 26:58

Qam so Pedro coỹaretaho', qam qoỹoqo'chiguit, chi ỹoviretau'o' yí'maq ỹaatqajam nasoxoc só'maq paguec nashi. Ca co'na'le, ca' nqa'xanñi, huaqata'to saua nouaataxanaq lase', qaiyi ỹa'ajantac cá'maq 'neeta ma'le dajo.

Mateo 26:69

Co'na'le, ca' so Pedro nqa'xantañi pa'aatauec quiyi nasoxoc. Ca 'uo' aso nelaata nqo'neuo' queso'maxare, ca 'naaco': —Qami' qai'neeta riỹa'isac quen da Jesús dá'maq le'ec yi Galilea.

Mateo 26:71

Ca' so Pedro co'na' mashic quepegue' ñi lasom, ca qaiuane'ta caso liỹa. Ca 'naaco' quesauá'maq neesa'anyi: —Sojo ỹale qai'neeta liỹaatac na'le so Jesús só'maq Nazaret le'ec.

Lucas 22:57

Qam so Pedro noqolliguit, 'naaco': —Taque', ỹim se seuanapega da'maxare.

Romanos 11:20

Ajá'a, ỹa'maqachiguiñi. Qam qaỹouaxandec, ma' sqaica ca lpi'ỹaxague', ca qami' 'ue ca romachi' ma' 'ue da rpi'ỹaxaqui'. Ca vichiguiño' se nemaqajñi'. Ta'ta'a quiyim richillirañi.

1 Corintios 10:12

Ca' vichiguiño' quiyim 'ue ca 'neetapega ra'ñichiguiñi, ca' no'uen quiyim netelañi, qaiyi sqai huaañi.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.