Mateo 26:69 - La'qaatqa ñi qota'olec Qota'olec & Qota'olec Novita Na Qomyipi

⁶⁹ Co'na'le, ca' so Pedro nqa'xantañi pa'aatauec quiyi nasoxoc. Ca 'uo' aso nelaata nqo'neuo' queso'maxare, ca 'naaco': —Qami' qai'neeta riỹa'isac quen da Jesús dá'maq le'ec yi Galilea.

Mateo 26:69 Iomraidhean Croise

1 Reyes 19:13

Ca' so Elías co'na' 'xaỹaque so'maxare, ca' ỹapogui na lashic queso lapo'. Ca' nenoxonec, ca' hueete'e na lahi ñi ñigo queso lauac. Co'na'le, ca 'xaỹaque so nivillaxac 'naaco' queso'maxare: —Elías, ¿negue' cá'maq 'ñi'sa'pegue quenajo?

1 Reyes 19:9

Ca co'na' ỹovita, ca taho'gue so lauac, ca hueetaho'gue 'óna pe. Qam ñi qara'gaxala' ỹovira'a so'maxare, ca 'naaco': —Elías, ¿negue' cá'maq 'ñi'sa'pegue quenajo?

Salmos 1:1

Chalego la'maxa queca qom quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi, chaqai se ỹalecau'a cá'maq i'neetac ñi qota'olec;

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Mateo 26:3

Ca' quesojo na'xa'a, ca' so lashillipi so netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi, chaqai na judioipi qo'xoiquipi, lapoỹata' quiyi nasoxoc yi la'a' so Caifás, lashi so netaxaỹaxanqajanqaipi.

Mateo 26:58

Qam so Pedro coỹaretaho', qam qoỹoqo'chiguit, chi ỹoviretau'o' yí'maq ỹaatqajam nasoxoc só'maq paguec nashi. Ca co'na'le, ca' nqa'xanñi, huaqata'to saua nouaataxanaq lase', qaiyi ỹa'ajantac cá'maq 'neeta ma'le dajo.

Mateo 26:70

Qam so Pedro reloqotaugui so qomyipi na' noqolliguit, 'naaco': —'Taque', se sa'den dá'maq 'xachisac.

Mateo 26:71

Ca' so Pedro co'na' mashic quepegue' ñi lasom, ca qaiuane'ta caso liỹa. Ca 'naaco' quesauá'maq neesa'anyi: —Sojo ỹale qai'neeta liỹaatac na'le so Jesús só'maq Nazaret le'ec.

Juan 1:46

Ca' so Natanael 'naaco': —¿Peeta'a 'uo' ca ishit nenoxonec 'maxaraic quiyi Nazaret? Ca' so Felipe 'naaco': —Ỹala'e', ñaq 'ajnaxañita ñi'maxare.

Juan 7:41

Chaqai na liỹa 'naaco' quen: —Chaqaida dajo dá'maq nashi nca'laxaqui. Qam 'uo' quen na liỹaripi 'naac: —¿Chi'negue queta' chicqochi'ñi yi Galilea ca nashi nca'laxaqui?

Juan 7:52

Ca qohinapego' so'maxare: —¿Qami' qai'neeta qami' Galilea le'ec? Napaxaguiñitalo ma'le naua naneresañi la'qaatqa ñi qota'a, qaiyi huañita quiyim qaica ca la'qaataxanqajnec ñi qota'a quiyim chicqochi'ñi quet yi Galilea.

Hechos 5:37

Chaqai ñaqai cha'gue nachinchigui so na'xa'a na' qoỹiriñi na qomyipi na' nachaxan so leenaxat Judas, le'ec yi Galilea, qai'neeta 'xoic so qomyipi quegue; qam qai'neeta qaỹalauat, ca sá'ogue neuagaxatac só'maq coỹareta'pegue'.