Mateo 26:53 - La'qaatqa ñi qota'olec Qota'olec & Qota'olec Novita Na Qomyipi

⁵³ ¿Sqa 'yiiñiỹo' quiyim ỹim seshit sashiila ñi ita'a qota'olec quiyim nela' quet nagui ca paguelec doce mil lelaatqaipi piguim laseripi?

Mateo 26:53 Iomraidhean Croise

2 Reyes 6:17

Ca' so Eliseo nqouagaxainot ñi qara'gaxala' quiyim ỹauachiguilo naua nqote', qaiyi reuanaxan. Ca' ñi qara'gaxala' naviguerec nqai'en naua nqote' so lelaatec. Ca so'maxare iuana quiyim aso quemaralec qa' ladocai no'qajlec quena shipiguiripi qoyintalec chaqai ana nahoglena ỹaviquetaugui nahiquinchiguiñi yi hueeta'ñi so Eliseo.

Daniel 7:10

chaqai aso lachiugue, qam norec chicqotacot so'maxare. Ỹaatqajam 'xoic ná'maq ro'ueenataxantacot so'maxare chaqai tot qaica naloqochin só'maq reloqoto'ot so'maxare. Taañi so nimiitaxanaxac quiyi'maxare, ca' qaỹauachiguilo saua lerel.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 4:11

Co'na'le, ca' so na'ỹaapec ca'e so Jesús, ca 'vio' saua nelaatqa piguim lase' ỹotauansac so'maxare.

Marcos 5:15

Qam co'na' ỹovita yi hueete'e so Jesús, ca iuane'ta so ỹale só'maq 'uo' na'le so le'ec lecmaxaic, nqa'xantañi, ỹansañi saua loho, naỹajanchiguiñi. Ca' so qomyipi no'chi.

Marcos 5:9

Ca' so Jesús inato': —¿Negue' ca qadeenaxachi'? Ca so'maxare 'naaco': —Ỹim ỹeenaxat 'xoic, ma' qomi' 'xoic.

Lucas 8:30

Ca' so Jesús inato': —¿Negue' ca qadeenaxachi'? Ca so'maxare saat, 'naaco': —Aỹim ỹeenaxat 'xoic. 'Naaco' dajo, ma' 'xoico' so lecmaxaiquipi neetagui so'maxare.

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

Judas 1:14

Qai'neeta so Enoc só'maq hueetougui só'maq pa'aatec na' siete nqo'neuec nqohin so llaalqaipi so Adán, so'maxare ỹa'xat dajo na'le na' ra'qaataxan nqohin quiñi qota'a, co'na' 'naac: “Seuañi'chiguit ñi qara'gaxala' nauequeta'pegue' ná'maq canchaqa ỹoto'o' mil ná'maq lalamqateripi,