Mateo 26:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Mateo 26:41 Iomraidhean Croise

Mateo 24:42

Ca no'uen quiyim qamiri nelohitauec, ma' sqa 'yiiñii ca laloqo' ca loviraxaqui na ra'gaxalarii.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Mateo 26:38

Ca 'naaco' quesaua'maxare: —Ñauata'guit queda ñachaalataxac 'ec sham yalauat na ỹachicoxo. Qovii'e quenajo, qam sqai laxaiỹo'.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Marcos 14:38

Ỹaatqajam nelohitauec chaqai nqouagaxaiñii, qaiyi sqo viriu'a ca ne'guenaxaguii. Ma' ca qom quiyí'maq hueetagui añi le'taxanata ỹaatqajam nasapteta, qam ná'maq loshicmaxa neual.

Lucas 11:4

Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Lucas 22:40

Ca co'na' ỹovijta yi'maxare, ca 'naapegalo': —Nqouagaxaiñii, qaiyi sqo viriu'a ca ne'guenaxaguii.

Lucas 22:46

Ca 'naapegalo' saua'maxare: —¿Chi'negue ma' laxaita? Ne'laxachishiguim, ca' nqouagaxaiñii, qaiyi se ỹovira'alo qamiri ca ne'guenaxaguii.

Lucas 8:13

Ca' só'maq nanecse tajlec yi 'laua 'xoic na lalegue' qa', ca 'nejem ca qom quiyim na'xaỹaxantapega da na'qaatec, ca' 'ue da netoonaxac. Qam sqai 'chi'iñi caua lpa'yii da na'qaatec. Cocho'qui' huelec, qam quena' ỹovita ca ne'guenaxac, ca rashiiuec.

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

1 Corintios 16:13

Ỹaatqajam nelohitec, chaqai na'ñaxachii'tegue da rpi'ỹaxaguii. Na'maxachita, 'ñiitari' ca ỹale quesaxanaxaic.

1 Corintios 9:27

Chaqaidaata quiyim souaxan na chi ỹoshicmaxa, ma' sahotaque sashaxantac, qaiyi se ishit quiyim se qayalecqajno ma' ime quiyim sapaxaguin na liỹaripi.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.